Jabuuroolu 72:3 - Mandinka Bible

³ Allamaa bankoo moolu ye kayiroo niŋ tiliŋo soto, a la marali tilindiŋo kono.

Jabuuroolu 72:3 Mawu Ofanana

Jabuuroolu 65:12

Beeyaŋ daañini dulaa ka tara tibariŋ ñaamoo le la. I ka konkoolu dandaŋo bee seewondi le.

Jabuuroolu 72:16

Allamaa siimaŋ kesoo ye fuuma bankoo kaŋ, ka taa fo konkoolu turoolu kaŋ. Ì ye diŋ komeŋ Libanooni yiroolu. Allamaa moolu mennu be saatewo kono ye yiriwaa ko ñaamoo ka siyaa kenoolu kono ñaameŋ.

Yesaya 45:8

“Alitolu saŋ fatoolu ali tiliŋo samaamaa jindi naŋ, tawaloo ye a naati tariyaake. Bankoo ye yele fo kiisoo si finti naŋ, tiliŋo ye bula a nooma. Nte Yaawe le ye ì daa.”

Yesaya 52:7

Ñiŋ mu seewoo kuwo le ti, ka kiilaa je, a ye bo naŋ konkoo kaŋ aniŋ kibaari betoo. A ka kayiroo le kankulaa, ka kiisoo bankee moolu ye, a ka a fo Siyoni ye le ko, “Ali la Alla le mu mansoo ti!”

Yesaya 60:17

“Niŋ n ñanta jaawaloo le naati la, m be a faliŋ na le, ŋa a ke sanoo ti, newo ye faliŋ kodiforoo ti. Niŋ n ñanta babaroo le naati la, n si jaawaloo samba naŋ i ye, newo si beroo la palaasoo taa. M be kayiroo le ke la i la maralilaa ti, ŋa tiliŋo ke i la ñaatonkoo ti.

Daniyeli 9:24

“Sanji taŋ woorowula siidulaa woorowula, Alla ye wo le nata i la moolu ye, aniŋ ali la saatee senuŋo. Niŋ wo siita, a be kuu jawu kewo baŋ na le, a ye junuboo daŋ, a ye yamfa hakoolu la. A be tiliŋo le londi la fo abadaa, a ye jeroo niŋ kiilaariyaa kumoo kumfaa, aduŋ a be a la batudulaa senuŋ baa jankundi la le.

Yoweli 3:18

“Wo luŋo la, wayini jii diimaa si suleŋ konkoolu kaŋ, keekewo ye bori konkoriŋolu duuma, Yahuuda jii siloolu bee ye faa jiyo la, Jiyo si woyi naŋ ka bo Yaawe Batudulaa Buŋo* to, a ye Sitimu Wulumbaŋo jiiboŋ.