Jabuuroolu 7:9 - Mandinka Bible

⁹ Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Jabuuroolu 7:9 Mawu Ofanana

1 Musa 20:5

Fo a faŋo le maŋ a fo n ye ko, a baarimmusoo le mu? Aduŋ Saara fanaa ye ñiŋ ne fo n ye ko, a baarinkewo le mu. Nte maŋ tawu ka ñiŋ kuwo ke, aduŋ m maŋ maa kuu la ñiŋ kuwo to.”

1 Mansoolu 8:32

i si i lamoyi ka bo Arijana kono, i si kuu ke. I si kiitiyo teyi i la dookuulaalu teema, ka kuu kuruŋ kelaa jalayi, aniŋ ka a la baara kuwo laa a faŋo kuŋo to. Bari meŋ maŋ kuu kuruŋo ke i si wo koyindi, aduŋ ì si a yitandi ko a maŋ kuu kuruŋ ke.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Jabuuroolu 10:15

Moo kuruŋolu niŋ moo jawoolu semboo tiñaa. Ì jarabi ì la kuu kuruŋolu la fo a bee ye baŋ ì bala.

Jabuuroolu 10:18

I be aliyatiimoolu danku la le, aniŋ moo toorariŋolu, ka kiitiyo teyi ì ye. Wo to le moo te tara la duniyaa meŋ si moo doolu silandi.

Jabuuroolu 11:5

Yaawe ka moo tilindiŋolu niŋ moo kuruŋolu bee le kotobo. A ye fitinantuŋolu koŋ jawuke le.

Jabuuroolu 139:1

Yaawe*, i ye n kusonsoŋ ne, aduŋ i ye n loŋ ne.

Jabuuroolu 17:3

Hani niŋ i ye n sondomoo kono kusonsoŋ, i ye n kisikisi suutoo la, i ye n kotobo, i te kuu kuruŋo tara la n kono. Ŋa tawoo taa le ko n daa te kuma jawu fo la.

Jabuuroolu 18:21

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

Jabuuroolu 26:2

Hee Yaawe, n kotobo, i ye n kisikisi. N sondomoo kono kusonsoŋ, aniŋ n na miiroolu,

Jabuuroolu 35:23

I faŋo ye wuli, i ye loo n na boloo ye. M Maarii Alla, loo n na boloo ye.

Jabuuroolu 37:23

Yaawe le ka moo kanda a taaraŋ siloo kaŋ, aduŋ niŋ meŋ na kuwo ye a kontaani, a ka a maarii tanka le.

Jabuuroolu 40:2

A ye n saba ka m fintindi naŋ kasaara dinkoo kono, ka bo naŋ potoo mereŋo kono, aduŋ a ye n londi bere baa kaŋ, ka a tinna ŋa taama, n te taki la.

Jabuuroolu 43:1

Hee Alla, kiitiyo teyi n ye, i ye loo n na kuwo la n niŋ allantaŋolu teema. N tanka neeneerilaalu niŋ jamfantuŋolu ma.

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Jabuuroolu 9:9

Yaawe le mu moo toorariŋolu tuukuraŋo ti, a mu ì ye tankadulaa le ti mantooroo waatoo la.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Jabuuroolu 96:13

ka suukuwo laa Yaawe ye, kaatu a be naa le, a be naa ka duniyaa kiitindi. A be duniyaa moolu kiitindi la tiliŋo niŋ tooñaa le la.

Jabuuroolu 98:9

ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.

Yeremiya 11:20

Bari ite Yaawe Alihawaa Maariyo, meŋ ka kiitii tilindiŋo ke, aniŋ ka sondomoo niŋ hakiloo kono kotobo, n si a je i be juloo joo la ì to ñaameŋ, kaatu ŋa n na kuwo dunoo tu ite le bulu.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Yeremiya 20:12

Hee Yaawe Alihawaa Maariyo*, i ka moo tilindiŋolu kotobo le, i ka sondomoo niŋ hakiloo kono je le. N jerindi julujoo la i be meŋ ke la ì la, kaatu ŋa n na kuwo tu ite le bulu.

Daniyeli 11:45

A be a la mansa tiriliisi* baalu le faŋo wanka la baa niŋ konkoo teema, Alla Batudulaa Buŋo be looriŋ meŋ kaŋ. Bari a be faa la le, aduŋ moo te soto la meŋ be a maakoyi la.”

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Roomankoolu 16:25

Horomoo be Alla ye, meŋ si ali bambandi noo kibaari betoo la kuwo to, nte ka meŋ kawandi. Wo le mu Yeesu Kiristu la kuwo kiilaariyaa ti ka kulloo bankee, meŋ tarata maaboriŋ jamaani jamaa koomanto.

1 Tesalonikankoolu 3:13

Ka bo niŋ ñiŋ siloo la, Alla si ali sondomoolu bambandi fo ali kana sootaari soto, aniŋ ali ye seneyaa m̀ Faamaa Alla ñaatiliŋo la, niŋ m̀ Maarii Yeesu naata kotenke, a niŋ a la moo senuŋolu bee.

1 Pita 5:10

Alitolu toorata le fo waatindiŋ, bari Alla be ali la kuwo seyindi la a ñaama le. Ate meŋ ka hiinoo bee dii, aduŋ a ye ali kumandi a la badaa-badaa kallankeeyaa to Kiristu kono, ate le be ali fatiyandi la, a ye ali sembentuŋyaa, aniŋ a ye ali londi fondamaŋ bambandiŋo kaŋ.

Yuuda 1:1

Nte Yuuda, meŋ mu Yeesu Kiristu* la dookuulaa ti, Yankuba dookewo, m be ali kontoŋ na, alitolu mennu bee kumandita ka sabati Alla, m̀ Faamaa la kanoo kono, meŋ ye ali kanda Yeesu Kiristu ye.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.