Jabuuroolu 7:7 - Mandinka Bible

⁷ Banku moolu bee kafu ñoo ma i ñaatiliŋo la, i ye tara marariŋ ì ma, ka bo Arijana kono.

Jabuuroolu 7:7 Mawu Ofanana

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Jabuuroolu 35:23

I faŋo ye wuli, i ye loo n na boloo ye. M Maarii Alla, loo n na boloo ye.

Jabuuroolu 43:1

Hee Alla, kiitiyo teyi n ye, i ye loo n na kuwo la n niŋ allantaŋolu teema. N tanka neeneerilaalu niŋ jamfantuŋolu ma.

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Jabuuroolu 59:5

Ite Yaawe Alihawaa Maariyo*, ite le mu Banisirayila la Alla ti. Wuli, i ye banku koteŋ moolu jarabi. Kana yamfa moo kiliŋ ye, wo jamfantuŋ jawoolu kono. S

Jabuuroolu 93:4

Bari Yaawe, ite le semboo warata, ka tambi jiibaliŋolu kumakaŋo la. Ite le semboo warata jiibaliŋolu ti.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”