Jabuuroolu 7:12 - Mandinka Bible

¹² Niŋ moo kuruŋolu maŋ tuubiseyi, Alla be a la hawusaroo* diyaa la ì kamma le. A be a la kalandiŋo ŋaaji la le ka a parendi.

Jabuuroolu 7:12 Mawu Ofanana

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

Jabuuroolu 129:4

Yaawe* tilinta le, a ye m̀ firiŋ moo jawoolu bulu le.”

Jabuuroolu 85:4

Hee Alla, ǹ na Kiisandirilaa, m̀ murundi firiŋo kono kotenke, i ye hiina ǹ ye i la jusuboo la, i ye meŋ ke ǹ kamma.

Jabuuroolu 9:5

I ye bantala banku* moolu jalayi le, i ye moo kuruŋolu kasaara. I ye ì toolu buruka duniyaa kono le fo fawu.

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Yesaya 34:5

N na kiitindiri hawusaroo* ñeeliriŋo le be saŋo santo. A fele, saayiŋ a ka naa jii Edomunkoolu le kaŋ, ŋa mennu kiitindi ka ì faa.

Esekiyeli 18:30

Maarii Yaawe ye ñiŋ ne fo ko: “Alitolu Banisirayilankoolu, m be moo-wo-moo kiitindi la a taaraŋ siloo le la. Ali tuubi! Ali ye ali koo dii ali la kuu jawu kewolu la, i si a je, junuboo te ali boyindi noo la.

Esekiyeli 21:23

Bari Banisirayilankoolu te laa la Babiloni mansakewo la ñiŋ taamanseeroo la, kaatu itolu niŋ a ye kambeŋo le siti. Bari mansakewo be ì hakiloo bulandi la ì la junube kuwolu le la ì ye mennu ke. Wo kamma la a be boyi la ì kaŋ ne ka ì muta.”

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Kiilaalu 3:19

Wo kamma la, ali tuubi, ali ye muru Alla kaŋ, fo ali la junuboolu si tuutuu,

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.