Jabuuroolu 69:7 - Mandinka Bible

⁷ Ite le la kuwo ye nendiroo saabu m ma, maloo doroŋ ne tarata n kaŋ.

Jabuuroolu 69:7 Mawu Ofanana

Jabuuroolu 44:15

N ka tara dooyaa le kono. N na malu kuwo ka tara n ñaatiliŋo la luŋ-wo-luŋ,

Jabuuroolu 44:22

Ite la kuwo le ye a tinna ǹ ka tu faa la, ǹ keta le ko saajiyolu mennu ñanta kanateyi la.

Yesaya 50:6

Ŋa n koo bondi moolu ye le mennu ka m buutee, n kaaraa moolu ye mennu ka m booraa saba. M maŋ n ñaadaa maabo ñaawaliroo niŋ daajii fayoo kamma.

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Yeremiya 15:15

Bituŋ n kumata ko, Hee Yaawe, ite ye a loŋ ne meŋ keta n na, i hakiloo ye bula n na, i ye n na kuwo hati, i ye juloo joo n ye n jawoolu to. Kana tara muñariŋ ì ye, ka n tu ì bulu ì ye n niyo taa. I ye a loŋ ne ko, ì ka n neŋ ite le la kuwo la.

Luka 23:11

Wo to le Herodi niŋ a la kelediŋolu ye jutunnayaa kuwo ke a la, aduŋ ì ye a ñaawali fanaa. Labaŋo la ì ye waramba ñiimaa duŋ a la. Bituŋ ì ye a murundi Payileti yaa.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.