Jabuuroolu 69:3 - Mandinka Bible

³ N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Jabuuroolu 69:3 Mawu Ofanana

Yuuba 11:20

Bari moo kuruŋolu be ke la le ko finkintewolu, ì te sila je noo la, ì be bori la meŋ na. Ì hakiloo be tara la looriŋ saayaa doroŋ ne kaŋ.

Yuuba 16:16

N kumboota fo n ñaasiŋolu yiibuta, fo n ñaakesoolu dunta konoto.

Jabuuroolu 119:123

N korita i la kiisandiroo kotofeloo la le, aniŋ ka i la laahidi tilindiŋo taamandi n ye.

Jabuuroolu 119:82

N korita i la laahidoo kotofeloo la le. Ŋa ñininkaaroo ke le ko, muŋ tuma le i be n jusoo ñabu la?

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

Jabuuroolu 22:2

Hee n na Alla, n woosiita i ye le tiloo ñaa la, bari i maŋ n jaabi, aniŋ suutoo la, bari m maŋ dahaa soto.

Jabuuroolu 25:21

Allamaa n na sootaaribaliyaa niŋ n na tiliŋo ye n tankandi, kaatu n jikoo be ite le kaŋ.

Jabuuroolu 39:7

“Wo to saayiŋ, Maariyo nte be jiki la muŋ ne la? Ŋa n jikoo loo ite le kaŋ.

Jabuuroolu 40:3

A ye suukuu kutoo duŋ n daa ka ǹ na Alla jayi. Moo jamaa le be wo je la, ì ye masilaŋ, aduŋ ì be ì jikoo loo la Yaawe kaŋ ne.

Jabuuroolu 6:6

N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.

Jabuuroolu 69:21

Ì ye kunoo le ke n ye domoroo to. Biriŋ mindoo ye m muta, ì ye bineekaroo* le dii n na ka a miŋ.

Jabuuroolu 88:7

I la kamfaa dunoo kuliyaata n kaŋ ne, aduŋ a ye n teerindi le komeŋ waame jiibaliŋolu. S

Yesaya 38:14

N woosiita le ko kunoo, n woosiita ko puraa la woosiyo. N ñaa korita juubeeroo la saŋo santo le. Hee Maariyo, m bataata le, naa n deemaa.

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Yohana 19:28

Ñiŋ kuwolu koolaa, Yeesu ye a loŋ ne ko, kuwolu bee timmata le saayiŋ. Ka Alla la kumoo timmandi, meŋ be safeeriŋ Kitaabu Senuŋo kono, a ko, “Mindoo le be n na!”

5 Musa 28:32

Ali dinkewolu niŋ ali dimmusoolu si duŋ joŋyaa kono banku doo kaŋ ali faŋo ñaa koto. Ì la kuwo si kali ali meeyaa, bari ali te sembe soto la jee.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.