Jabuuroolu 68:4 - Mandinka Bible

⁴ Ali suukuwolu laa Alla ye, ali jayiri suukuwolu laa a too la. Ali suukuwo wulindi a ye, ate meŋ ka tara tawaloolu kaŋ ka ì borindi. A too mu Yaawe* le ti, ali seewoo a ñaatiliŋo la.

Jabuuroolu 68:4 Mawu Ofanana

Jabuuroolu 104:3

I ye i la sabatidulaa loo jiyolu le kaŋ, mennu be saŋ fatoolu ye santo la. I ka tawaloolu le ke i la keleraŋ sareetoolu* ti, aduŋ i la taamaraŋo mu foñoo le ti, i ka tii a fee ko kunoo niŋ a dampaŋo.

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Jabuuroolu 18:10

A loota kerubu malaayikoo* kaŋ, a tiita. A tiita komeŋ foñoo.

Jabuuroolu 5:12

Kaatu Yaawe, i ka moo tilindiŋolu barakandi le, i ka ì muuri i la neemoo la, ka ke ì ye tankoo ti.

Jabuuroolu 66:2

Ali suukuwo laa ka a too senuŋo horoma, ali ye jayiroo kidimandi a ye.

Jabuuroolu 66:4

Duniyaa moolu bee ka ite le batu. Ì ka suukuwolu laa le ka i jayi, ì ka i jayi i too le la.” S

Jabuuroolu 67:4

Duniyaa moolu bee si seewoo ka suukuwo laa, kaatu i ka kiitiyo kuntu moolu teema tiliŋo le la, aduŋ i ka siloo yitandi duniyaa bankoolu bee le la. S

Jabuuroolu 68:33

Ali a laa ate ye, meŋ ka taama saŋ fatoolu kaŋ, mennu daata biriŋ foloodulaa to. A moyi baŋ, a ye a kumakaŋo bumbundi le, a la kumakaŋ sembemaa.

Jabuuroolu 83:18

fo ì si a loŋ ko, ite doroŋ ne mu Yaawe ti, aniŋ ko, ite le mu Mansa Tallaa ti, duniyaa bee kunna.

Jabuuroolu 97:11

A la beteyaa tilimaa le ka mala moo tilindiŋolu kaŋ, aduŋ seewoo be moolu le ye, tiliŋo be mennu sondomoo kono.

2 Musa 3:14

Alla ko Musa ye ko, “M mu meŋ ti, m mu wo le ti. I be ñiŋ ne fo la Banisirayilankoolu ye, ‘M mu meŋ ti, wo le ye n kii ali kaŋ.’ ”

2 Musa 6:3

Ŋa m faŋ yitandi Iburayima, Isiyaaka, aniŋ Yaakuba la le komeŋ Alla Tallaa, bari n too Yaawe, m maŋ m faŋo londi ì ye wo la.

2 Musa 6:8

M be ali samba la naŋ bankoo to le, ŋa kali bambandiŋo ke meŋ na kuwo to, ka a dii Iburayima, Isiyaaka aniŋ Yaakuba la. M be a dii la ali la le, a ye ke ali fansuŋ taa ti. Nte le mu Yaawe ti.’ ”

Kuma Kotoomaalu 10:28

Moo tilindiŋolu la jikoo ka labaŋ ì ye seewoo le la, bari moo kuruŋolu la jikoo ka ke ì ye kenseŋo le ti.

Yesaya 19:1

Kiilaariyaa kumoo fele Misira la kuwo to. A juubee, Yaawe* tariyaatoo le ka naa Misira, a ka naa niŋ saŋ tawaloo le la. Misira jalaŋolu be jarajara la a ñaatiliŋo la le, Misirankoolu kijoo ye teyi.

Yesaya 40:3

Moo kumakaŋo be sari kaŋ ko: “Ali Yaawe la siloo parendi keñewuloo* kono. Ali sila fanuŋo tembendi ǹ na Alla ye.

Yesaya 62:10

Yerusalaamunkoolu, ali finti, ali finti niŋ dundaŋ daalu la! Ali siloo parendi moolu ye. Ali sila kendoo dadaa, ali a dadaa kuu! Ali a beroolu bondi. Ali ye bandeeroo wulindi, ka a ke bankoolu ye taamanseeroo ti.

5 Musa 33:26

Musa ko Banisirayilankoolu ye ko, “Hee Yesuruni, Alla maŋ ñoŋ soto. A ka taama saŋ fatoolu le kono ka ali maakoyi, a niŋ a la kallankeeyaa* ka taama minaayoolu kaŋ.