Jabuuroolu 67:7 - Mandinka Bible

⁷ Alla neemata m̀ ma le, wo to moolu be duniyaa fannaa daa-wo-daa, ì si Alla ñaasilaŋo soto.

Jabuuroolu 67:7 Mawu Ofanana

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Jabuuroolu 33:8

Bankoo daafeŋolu bee si sila Yaawe la, alitolu duniyaa moolu bee, ali a kuliyaa.

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.

Jabuuroolu 72:17

Allamaa mansa too tu la keriŋ fo fawu, a too ye tu bo la ko tiloo. Allamaa bankoolu moolu ye neema ka bo niŋ ate la, aniŋ ì ye a kumandi neemariŋo la.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yesaya 43:6

M be a fo la maraa karoo moolu ye le ko, ì ye ali bula, ali ye taa, ŋa a fo bulubaa karoo moolu ye ko, ì kana ali muta. N na dindiŋolu ye muru naŋ Banisirayila, ka bo naŋ duniyaa daŋo to.

Yesaya 45:22

“Alitolu mennu be duniyaa tonkoŋ naanoo to, ali naa muruŋ n kaŋ fo ali si tanka. Kaatu nte le mu Alla ti, aduŋ doo te jee.

Yesaya 52:10

Yaawe be a semboo yitandi la bankoolu bee la le, aduŋ duniyaa moolu bee be ǹ na Alla la kiisoo je la le.

3 Musa 26:4

m be kali samaajiyo dii la ali la a waatoo la le. Bankoo ye neema ka fiifeŋolu bondi, bankoo yiroolu ye neema, ka diŋ a ñaama.

Mika 5:4

A be ke la a la moolu ye le ko saajii kantalaa, Yaawe la mansabaayaa semboo kaŋ, Yaawe, a la Alla too la waroo kaŋ. Ì la baluwo be tara la tankoo le kono, aduŋ a too la waroo be taa le fo duniyaa daŋo to.

Jakariya 8:12

Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.

Jakariya 9:10

M be keleraŋ sareetoolu* buruka la Efurayimu* le, ŋa Yerusalaamu la keleraŋ suwoolu fanaa buruka, ŋa daŋ ke kalabeñoo la. Ali la mansa be kayiroo naati la bankoolu kaŋ ne, biriŋ fankaasi ka taa fankaasi, ka bo Yufurati Boloŋo to ka taa fo duniyaa daŋo to.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Kiilaalu 13:26

“M baadiŋolu, mennu bota Iburayima bala, aniŋ moo koteŋolu mennu ye Alla ñaasilaŋo soto! Ñiŋ kiisoo kumoo kiita ntolu le kaŋ.

Kiilaalu 13:47

Maariyo ye ǹ yaamari le ko: ‘M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.’ ”

Kiilaalu 2:28

I ka baluwo siloolu le yitandi n na, i be m fandi la niŋ seewoo la i ñaa la.’

Kalatiyankoolu 3:14

Ñiŋ keta le fo neemoo, Alla ye meŋ laahidi Iburayima ye, a si naa ka bo niŋ Kiristu Yeesu la, moolu ye mennu maŋ ke Yahuudoolu ti, aniŋ fo ǹ si Nooroo soto noo, a ye meŋ laahidi, ka bo niŋ lannoo la.

Kalatiyankoolu 3:9

Wo to moolu mennu ye lannoo soto, wolu niŋ Iburayima meŋ ye lannoo soto, ì be neemoo soto la le.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”