Jabuuroolu 66:3 - Mandinka Bible

³ Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 66:3 Mawu Ofanana

Yuuba 25:2

Kandaayaa niŋ silaŋo semboo, wo be Alla le bulu. Ate le ye kayiroo sabatindi a la Arijanoo kono santo.

Jabuuroolu 18:44

aduŋ tumarankewolu naata le, ka ñoyi n ye. Niŋ ì ye n na kumoo moyi doroŋ, ì ka n horoma le.

Jabuuroolu 18:45

Ì bee ka jikilateyi le, ì jarajaratoolu ka bo naŋ ì la tatoolu kono.

Jabuuroolu 47:2

Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.

Jabuuroolu 68:30

Ñiŋ bantala banku* jawoolu jarabi. Ñiŋ daafeŋolu mennu be sabatiriŋ seyiŋolu kono, ñiŋ tuuraalu mennu be ninsiriŋ sembentaŋolu kono. Mennu ka ǹ kaniŋ naamoo la, ì dori duuma. Banku moolu janjandi mennu ka kontaani keloo la.

Jabuuroolu 76:12

Ate le ka maralilaalu la faŋ waroo daŋ, a ka duniyaa mansoolu kijabo.

Jabuuroolu 81:15

Mennu ye nte Yaawe koŋ, ì ŋunumatoo le be n waliŋ na, aduŋ ì la jaraboo be tu la le fo fawu.

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 25:3

Wo to banku sembemaalu be i horoma la le, banku saŋarariŋolu la saatewolu ye sila i la.

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Yesaya 64:3

I ye kaawakuwolu le ke, m̀ maŋ n yillaa mennu la, i jiita naŋ, konkoolu jiijaata i ñaatiliŋo la.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.