Jabuuroolu 61:6 - Mandinka Bible

⁶ Allamaa i ye mansa ke siimaa ti. Allamaa a la marali saŋolu tentendi la jamaani naalaalu to.

Jabuuroolu 61:6 Mawu Ofanana

Jabuuroolu 16:5

Nte la niiboroo ka bo ite Yaawe le bulu, aduŋ n suulafeŋo bee sumandiŋo be i bulu le. M baluuñaa be ite le bulu.

Jabuuroolu 16:6

I ye n niibo meŋ na n na baluwo kono, a keta kuu neemariŋo le ti. Tooñaa, a keta n ye keetaafeŋ kendoo le ti.

Jabuuroolu 21:4

A ye i daani le fo a si mee, i ye a dii a la, meŋ keta siimaayaa baa ti.

Jabuuroolu 21:6

I neemata a ma le famfaŋ, fo abadaa. A ka jusulaa ñiŋ na le ko, i be a fee le.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.