Jabuuroolu 6:1 - Mandinka Bible

¹ Hee Yaawe*, kana n jalayi i la kamfaa kaŋ, waraŋ ka n kuluu i la diminnaa kaŋ.

Jabuuroolu 6:1 Mawu Ofanana

1 Taarika 15:20

Jakariya, Asiyeli, Semiramoti, Yehiyeli, Unni, Eliyabu, Maaseya aniŋ Benaya le ñanta kooraa kosi la ko Alamoti,

1 Taarika 15:21

Matitiya, Elifelehu, Mikineya, Obedi-Edomu, Yeyeli aniŋ Asasiya ye a kosi ko Seminiti.

Jabuuroolu 118:18

Yaawe ye n kuluu jawuke le, bari a maŋ m bula ŋa faa.

Jabuuroolu 12:1

Hee Yaawe*, ǹ tankandi. Alla ñaasilannaa te keriŋ kotenke. Moo dankeneyaariŋolu bee le yeemanta hadamadiŋolu kono.

Jabuuroolu 2:5

Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

Jabuuroolu 38:1

Hee Yaawe, kana n jalayi i la kamfaa kaŋ, waraŋ ka n kuluu i la jusukandoo kaŋ.

Jabuuroolu 4:1

Niŋ ŋa i kumandi, i danku m ma, ite Alla meŋ mu n na tiliŋo sababoo ti. I ye dahaa dii n na le, mantooroo waatoo kono, balafaa n ye, i ye n na duwaa jaabi.

Yesaya 54:9

“Ñiŋ ka muluŋ nte fee le ko Nuha la waatoo, biriŋ n kalita ko, Tuufaani Waamoo te duniyaa muru la kotenke. Wo to saayiŋ, n kalita le ko, n te kamfaa la i kamma kotenke, n te i jalayi la kotenke.”

Yesaya 57:16

Wo to, n te tu la moo tuumi la fo abadaa, sako ka tu kamfaa la. Niŋ wo nte, hadamadiŋo te semboo soto la kotenke ka baluu, m faŋo ye moolu mennu daa, ì si faa.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.