Jabuuroolu 41:2 - Mandinka Bible

² Yaawe be a tanka la le ka a tu baluwo to. A be neema la a ma bankoo kaŋ ne. A te a tu la a jawoolu ye ì sawoo soto a la.

Jabuuroolu 41:2 Mawu Ofanana

Jabuuroolu 27:12

Kana n tu n konnantewolu sawoo to, kaatu seedenduroolu le wulita n kamma, aniŋ fitina kurukurulaalu.

Jabuuroolu 33:19

A ka ì tanka kerekere saayaa ma le, aduŋ a ka ì balundi le, konkoo waatoo la.

Jabuuroolu 37:22

Yaawe neemata mennu ma, wolu le be a la laahidi bankoo keetaa la, bari a ye mennu danka, wolu be wafati la bankoo kaŋ ne.

Kuma Kotoomaalu 11:17

Moo ŋaniya kendoo ka a faŋo nafaa le, bari moo ŋaniya jawoo ka mantooroo le naati a faŋo ye.

Kuma Kotoomaalu 14:21

Moo ka jutu a siiñoo la, wo mu junube kuwo le ti, bari barakoo be moo le ye, meŋ ka moolu maakoyi, mennu be suuloo kono.

Kuma Kotoomaalu 19:17

Moo-wo-moo beteyaata fuwaaroo fee, a ka Yaawe le julu duŋ, aduŋ a be a joo la a kebaaroo la le.

Kuma Kotoomaalu 31:20

A ka siloo dii fuwaaroolu la le, aduŋ a ka a buloo fayi fentaŋolu kaŋ ne.

Yeremiya 39:17

Bari m be ite tankandi la le wo luŋo la, aduŋ i te duŋ na wo kewolu bulu, i be silariŋ mennu la.’ ” Yaawe le ye a fo.

5 Musa 14:29

Wo le be ke la Lewi lasiloo moolu la domotaa ti, baawo itolu maŋ nii soto keetaakenoo to, ali ye meŋ talaa. Aduŋ tumarankewolu, aliyatiimoolu, aniŋ furuyaamusoolu fanaalu mennu be sabatiriŋ ali la saatewolu to, si naa ì ye a domo fo ì konoo ye faa. Niŋ ali ye ñiŋ ke Yaawe ali la Alla be baraka ke la ali la dookuwo bee to le, ali be meŋ ke la.

1 Timoti 4:8

Balajaata kuluuroo ye nafaa soto le domandiŋ, bari ka yiriwaa Alla la siloo kaŋ, wo ye nafaa soto kuwolu bee le to, kaatu a ye laahidoo soto, saayiŋ baluwo ye le, aniŋ baluwo ye, meŋ be naa la.

Ruti 2:19

Bituŋ a bitammusu ko a ye ko, “I ye karaŋ feefewo ke mintoo le bii? I ye dookuwo ke mintoo le? Allamaa neema ke la ñiŋ kewo ye, meŋ ye i kalamuta.” Wo to le Ruti naata a fo a bitammusu ye, a ye dookuwo ke meŋ na dulaa to. A ko, “Ŋa dookuwo ke kewo meŋ na kunkoo to bii, a too mu Bowasi le ti.”