Jabuuroolu 40:3 - Mandinka Bible

³ A ye suukuu kutoo duŋ n daa ka ǹ na Alla jayi. Moo jamaa le be wo je la, ì ye masilaŋ, aduŋ ì be ì jikoo loo la Yaawe kaŋ ne.

Jabuuroolu 40:3 Mawu Ofanana

Jabuuroolu 119:133

N na simfaañaalu kanta n kana boyi, ka bo niŋ i la yaamaroo la, aduŋ kana soŋ kuu jawoo ye m mara.

Jabuuroolu 142:7

M bondi detoo kono, fo n si tenturoo dii noo i la. Moo tilindiŋolu be kafu la m ma le, bayiri i ye beteyaa baa le yitandi n na.

Jabuuroolu 144:9

Hee Alla, m be suukuu kutoo laa la i ye le. M be a laa la i ye niŋ kooraa le la.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 33:3

Ali suukuu kutoo laa a ye, ka kooraa kosi a ye kendeke, ali ye wuuri, seewoo kamma la.

Jabuuroolu 35:27

Allamaa mennu ye boloo ŋaniya n ye, wolu ye wuuri seewoo niŋ jusulaa kono, ì ye tara a fo la ko, “Yaawe warata le, ate meŋ ka kontaani nte la kayiroo la, a la dookuulaa.”

Jabuuroolu 37:23

Yaawe le ka moo kanda a taaraŋ siloo kaŋ, aduŋ niŋ meŋ na kuwo ye a kontaani, a ka a maarii tanka le.

Jabuuroolu 52:6

Moo tilindiŋolu si ñiŋ je, ì ye masilaŋ, aduŋ i la kuwo si ì jele, ì ye a fo ko,

Jabuuroolu 69:3

N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Kiilaalu 4:4

Bari moo jamaa mennu ye ì la kumoo moyi, ì laata a la le, aduŋ ì la kafoo naata kafu fo kee wuli luulu, mennu niŋ musoolu niŋ dindiŋolu maŋ kiliŋ.

Lankenemoo 14:3

Ŋa a moyi, ì ye suukuu kutoo laa mansasiiraŋo niŋ wo daafeŋ baluuriŋ naanoo ñaatiliŋo la, aniŋ alifaalu. Moo-wo-moo le maŋ wo suukuwo laa noo, fo wo moo wuli keme wuli taŋ naani niŋ naanoo doroŋ, mennu kumakaata ka bo duniyaa kono.