Jabuuroolu 40:11 - Mandinka Bible

¹¹ Yaawe, kana balaŋ ka i la balafaa yitandi n na. I la tiliŋo niŋ kanu bambaloo ye tara m fee, ka n tanka fo abadaa.

Jabuuroolu 40:11 Mawu Ofanana

Jabuuroolu 23:6

I la beteyaa niŋ kanu bambaloo le be n nooma la, m baluu tiloolu bee la. Aduŋ m be sabati la Yaawe la Buŋo kono le fo n siyo daŋo.

Jabuuroolu 43:3

I la maloo niŋ i la tooñaa yitandi n na, ka tambi n ñaato, ì ye n samba i la konko senuŋo* to, i sabatidulaa be daameŋ.

Jabuuroolu 57:3

A be n jaabi la le ka tankoo jindi n ye naŋ. A be moolu malundi la le mennu ka mantooroo laa n kaŋ. S Alla be a la kanu bambaloo niŋ tiliŋo yitandi la n na le.

Jabuuroolu 61:7

Hee Alla, Allamaa a la maraloo noo ye tu i ñaa koto fo fawu. Kaayaa a ye, ka i la kanu bambaloo niŋ i la tiliŋo yitandi a la.

Jabuuroolu 69:13

Hee Yaawe, nte de, n na duwaa be looriŋ ite le kaŋ. Hee Alla, n na duwaa jaabi waatoo la, i faŋo ye meŋ londi. N jaabi i la kanu bambaloo la waroo la. N jaabi niŋ i la tankandiri koyoo la.

Jabuuroolu 69:16

Hee Yaawe, n jaabi i la kanu bambaloo niŋ i la beteyaa kaŋ. Ka bo niŋ i la balafaa baa la, muru n kaŋ.

Jabuuroolu 85:10

Alla la kanu bambaloo niŋ tooñaa be beŋ na le, tiliŋo niŋ kayiroo ye ñoo sumbu.

Jabuuroolu 89:2

M be a fo la le ko, i la kanu bambaloo loota le ka bambaŋ fo abadaa, aduŋ i la tiliŋo be bambandiŋ ne komeŋ saŋ fatoolu.

Kuma Kotoomaalu 20:28

Tiliŋo niŋ tooñaa le ka mansa tankandi, aduŋ tiliŋo le ka a la mansayaa bambandi.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.