Jabuuroolu 4:1 - Mandinka Bible

¹ Niŋ ŋa i kumandi, i danku m ma, ite Alla meŋ mu n na tiliŋo sababoo ti. I ye dahaa dii n na le, mantooroo waatoo kono, balafaa n ye, i ye n na duwaa jaabi.

Jabuuroolu 4:1 Mawu Ofanana

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

Jabuuroolu 116:16

Yaawe, nte mu i la dookuulaa musoo diŋo le ti, aduŋ m mu i la dookuulaa doroŋ ne ti. I ye m firiŋ ne, ka n tanka saayaa ma.

Jabuuroolu 116:6

Yaawe le ka moo tanka meŋ te a faŋ maakoyi noo la. Kabiriŋ m bataata, a ye n tankandi le.

Jabuuroolu 119:132

I ñaa fayi n kaŋ, i ye balafaa n ye, ko i ka a ke moolu ye ñaameŋ, mennu ye i kanu.

Jabuuroolu 143:2

Kana i la dookuulaa kiitindi, kaatu moo te keriŋ meŋ tilinta ite ñaa koto.

Jabuuroolu 17:6

Hee Alla, ŋa i kumandi le, kaatu i be n danku la le. I tuloo tu n to, ka n na kumoolu moyi.

Jabuuroolu 22:1

N na Alla, n na Alla, muŋ ne ye a tinna i ye nte bula? Muŋ ne ye a tinna i maŋ m maakoyi? M be ŋuntaŋ kaŋ ne, muŋ ne ye a tinna i jamfata n na?

Jabuuroolu 24:5

A be neemoo soto la Yaawe bulu le. Alla le be boloo dii la a la, aniŋ kiisoo.

Jabuuroolu 25:16

Yaawe, n juubee, i ye balafaa n ye, kaatu n kiideeta le, aduŋ n toorata.

Jabuuroolu 31:8

aduŋ i maŋ n duŋ n jawoolu bulu, bari i ye n londi dulaa fanuriŋo le to.

Jabuuroolu 41:12

I ye i buloo duŋ n koto le, n na sootaaribaliyaa kaŋ, aduŋ i ye n sabatindi i fee le fo fawu.

Jabuuroolu 42:1

N niyo be ñaaniriŋ ite Alla le la ko minaŋo ka ñaani woyoo la ñaameŋ.

Jabuuroolu 45:1

N sondomoo be faariŋ kuma ñiimaalu le la. Ŋa ñiŋ juloo parendi le ka ke mansa jamundaŋo ti. N neŋo be pareeriŋ suukuu laa la le komeŋ safeeri noolaa la kalaa.

Jabuuroolu 56:1

Hee Alla, balafaa n ye, kaatu moolu le be n toorandi kaŋ. N jawoolu le ka tu m mantoora la.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Jabuuroolu 6:1

Hee Yaawe*, kana n jalayi i la kamfaa kaŋ, waraŋ ka n kuluu i la diminnaa kaŋ.

Jabuuroolu 67:1

Alla, hiina ǹ ye, i ye neema m̀ ma, i ye i ñaa diyaa m̀ fee, S

Jabuuroolu 76:1

Yahuuda moolu ye Alla loŋ ne, a too warata Banisirayila kono le famfaŋ.

Yesaya 45:24

Ì be a fo la m ma le ko, ‘Tiliŋo niŋ semboo be Yaawe dammaa le fee.’ Moolu mennu kamfaata n kamma, ì niŋ maloo le be naa n kaŋ.

Yeremiya 23:6

A la waatoo la Yahuuda be tankandi la le, aduŋ Banisirayila be tara la sabatiriŋ tankoo le kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Habakuki 3:19

M Maarii Yaawe le mu nte semboo ti. A ye n siŋolu feeyandi m bulu ko minaŋo, ka n taamañaa sooneeyandi konkoolu kaŋ. Meŋ be suukuulaa ñaatonkayaa la: A si ke niŋ kontiŋolu la.

1 Korintinkoolu 1:30

Ali ye baluwo meŋ soto Kiristu Yeesu kono, a bee bota Alla le bulu. Alla ye ate le dii ǹ na fo a si ke ñaameŋo ti ǹ ye, tiliŋo, seneyaa, aniŋ kiisoo.

2 Korintinkoolu 1:10

Ate le ye ǹ kanandi saayaa maasiiboo ma, aduŋ a be tenteŋ na le ka ǹ kanandi. Ŋà ǹ jikoo bee loo ate le kaŋ, aduŋ a be ntolu tankandi la le kotenke.

2 Korintinkoolu 1:8

Baadiŋolu, m̀ maŋ lafi, ali ye tu lombaliyaa kono toora kuwolu to, ŋà mennu soto nuŋ Asiya* tundoo kaŋ. Ǹ tarata toora landatambiriŋo le kono jee, fo ǹ jikilateyita hani ǹ na baluwo faŋo la.

1 Samuweli 17:37

Yaawe* meŋ ye n tankandi jatoolu niŋ daafeŋ saŋarariŋolu ŋooriŋolu la, ate le be m bondi la ñiŋ Filisitinkoo buloo kono.” Wo to le Sawulu ko Dawuda ye ko, “Taa, Allamaa Yaawe ye tara i fee.”