Jabuuroolu 32:3 - Mandinka Bible

³ Kabiriŋ n tarata deyiriŋ m faŋ ma, n kuloolu baabaata le, ka bo niŋ n na ŋuntaŋo la, tiloo bee,

Jabuuroolu 32:3 Mawu Ofanana

2 Samuweli 11:27

Biriŋ saŋo tambita, Dawuda ye kiilaa kii, ka a samba naŋ a la suwo kono, ka a ke a la musoo ti, aduŋ a naata dinkewo wuluu a la le. Bari Dawuda ye kuwo meŋ ke, wo maŋ diyaa Yaawe* ye.

Yuuba 3:24

Sikisikoo le keta n na domoroo ti, n na woosiyo keta le komeŋ jiiboroo.

Yuuba 30:17

Suutoo, n kuloo kono bee le ka n teyi, dimoo ñiŋ buka dandulaa soto.

Yuuba 30:30

M balajaatoo finta, a bee wurata, m baloo kono kandita wit.

Jabuuroolu 22:1

N na Alla, n na Alla, muŋ ne ye a tinna i ye nte bula? Muŋ ne ye a tinna i maŋ m maakoyi? M be ŋuntaŋ kaŋ ne, muŋ ne ye a tinna i jamfata n na?

Jabuuroolu 38:3

I la kamfaa ye a tinna le, n jaatoo maŋ sahayaa. Kendeyaa te n kuloolu faŋo kono n na junuboolu kamma la.

Jabuuroolu 38:8

M fankoo banta le fereŋ, n ka munta ì ye meŋ toñonka fo a nunkuta. N ka ŋuntaŋ ne niitooroo kamma la.

Jabuuroolu 51:8

I ye n toñonka ñaa-wo-ñaa, m murundi seewoo niŋ jusulaa kono, ŋa seewoo.

Jabuuroolu 6:2

Yaawe, n kendeyandi, kaatu n kuloolu be n dimiŋ kaŋ ne. Balafaa n ye Yaawe, kaatu n kitiita le.

Kuma Kotoomaalu 17:22

Niilaa mu boori bete baa le ti balajaatoo ye, bari niŋ i niyo maŋ laa, i ka tara lamfuriŋ ne.

Kuma Kotoomaalu 28:13

Moo meŋ ka a la junube kuwo maabo, te ñaatotaa soto la, bari moo-wo-moo sonta a la junuboo la, a ye a koo dii a la, a be yamfoo soto la le.

Yesaya 51:20

I diŋolu ketuta le, ì be laariŋ mbeedi kuŋolu to ko minaŋo meŋ be jaloo daa. Yaawe la kamfaa ye ì futufaa le, i la Alla la jalayiroo.

Yesaya 57:17

Ì la hadume maañaa le ye a tinna n kamfaata. Ŋa ì mantoora, ŋa n koo dii ì la kamfaa kono, hani wo, ì tuta ì fansuŋ siloo doroŋ ne nooma la.

Yesaya 59:11

M̀ bee ka ŋaara le ko daafeŋ saŋarariŋo*. Ǹ ka woosii ko puraa. M̀ be n yillaariŋ kiitii tilindiŋo le la, bari m̀ buka a je. Ǹ ka kiisoo ñini, bari a jamfata le.

Niikuyaa Suukuwolu 1:3

Ceyi! Yahuuda taata mutoo kono, a niŋ mantooroo niŋ doo koleŋo. A be siiriŋ banku koteŋ moolu le kono saayiŋ, a maŋ dahaa dulaa soto. A bayindilaalu bee le ye a tara detoo kono, ì ye a muta.

Niikuyaa Suukuwolu 3:4

Busaroo ye m balasuboo jandi le, a ye m balafuuraa fasandi jat, a ye n kuloolu teyiŋ-teyiŋ.

Niikuyaa Suukuwolu 3:8

Cari-cari, ñaajiyo ka boŋ n ye le ka maakoyiroo kumboo, bari a ka balaŋ n na duwaa muta la le.

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

1 Samuweli 31:13

Wo to le ì ye ì kuloolu taa, ì ye ì baadee yiroo doo koto, meŋ be Yabesi. Bituŋ ì sunta fo tili woorowula.