Jabuuroolu 3:8 - Mandinka Bible

⁸ Tankoo ka bo Yaawe le bulu, Allamaa a la neemoo ye tara a la moolu fee. S

Jabuuroolu 3:8 Mawu Ofanana

2 Samuweli 23:12

Bari Samma loota kunkoo le teema. A ye jee kanta, a ye Filisitinkoolu faa, aduŋ Yaawe ye kañee baa dii a la le.

Jabuuroolu 119:94

Ite le taa mu n ti, wo to n tankandi, kaatu n hameta le ka i la luwaalu muta.

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Jabuuroolu 31:16

I ñaa diyaa m fee, i la dookuulaa, i ye n tankandi i la kanu bambaloo kamma la.

Jabuuroolu 58:7

Allamaa ì ye yeemaŋ ko jiyo meŋ ka bori. Allamaa ì la jooraŋolu ye nafantaŋyaa ì buloolu kono.

Jabuuroolu 72:17

Allamaa mansa too tu la keriŋ fo fawu, a too ye tu bo la ko tiloo. Allamaa bankoolu moolu ye neema ka bo niŋ ate la, aniŋ ì ye a kumandi neemariŋo la.

Jabuuroolu 9:20

Yaawe, silaŋo dundi ì la. Ì londi ñiŋ na ko, ì mu hadamadiŋolu doroŋ ne ti. S

Kuma Kotoomaalu 21:31

Suwoo ka tara pareeriŋ ne kele luŋo, bari kañeeroo be Yaawe le bulu.

Yesaya 43:11

“Nte, nte le mu Yaawe ti, aduŋ nte koolaa kiisandirilaa te jee.

Yeremiya 3:23

Tooñaa-tooñaa, jalambatoo maakaŋo konkoolu kaŋ taariŋ, wo mu ǹ ye neeneeroo le ti. Tooñaa-tooñaa, Yaawe ǹ na Alla le mu Banisirayila la kiisoo ti.

Hoseya 13:4

Yaawe* ko: “Nte le mu Yaawe ti, ali la Alla, nte le ye ali bondi naŋ Misira. Ali maŋ Alla koteŋ loŋ nte koolaa, nte koolaa tankandirilaa koteŋ te jee.

Yunusa 2:9

Bari m be sadaa* bo la i ye le, ŋa i jayiraŋ suukuwo laa, aduŋ ŋa n kali meŋ na, m be wo ke la le. Kiisoo bota naŋ Yaawe le yaa.”

4 Musa 10:35

Niŋ Kambeŋ Kunewo wututa waati-wo-waati, Musa si a fo ko, “Hee Yaawe, wuli! I jawoolu janjandi. I konnantewolu ye bori i ñaato.”

Kiilaalu 3:26

“Alla ye a la dookuulaa Yeesu kii alitolu le foloo kaŋ, aduŋ a ye a wulindi saayaa kono, fo a si neema ali ma, niŋ ali ye ali koo dii ali la kuruŋyaa la.”

Kiilaalu 4:12

Kiisoo te soto noo la ka bo moo koteŋ na, kaatu too doo maŋ dii duniyaa kono, ǹ si kiisa noo meŋ na.”

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Hiburunkoolu 6:14

A ko, “Tooñaa, m be neema la i ma neema baa le la, aduŋ m be i koomalankoolu siyandi la le.”

1 Pita 3:9

Ali kana kuu jawoo joo niŋ kuu jawoo la, waraŋ ka nendiroo joo nendiroo la, bari wo noo to, ali Alla daani barakoo la wo maarii ye. Wo le mu kuwo ti, Alla ye ali kumandi meŋ to, fo ali fanaa si barakoo soto.

Lankenemoo 19:1

Ñiŋ kuwolu koolaa, ŋa maakaŋo moyi, meŋ ka munta ko kafu baa Arijana kono. Ì be sari kaŋ santo ko: “Haleluyaa! Kiisoo, kallankeeyaa* aniŋ semboo, bee mu ǹ na Alla le taa ti.

Lankenemoo 7:10

Ì be sari kaŋ santo ko: “Kiisoo bota naŋ ǹ na Alla le bulu, meŋ be siiriŋ mansasiiraŋo kaŋ, a niŋ Saajiiriŋo bulu.”