Jabuuroolu 3:7 - Mandinka Bible

⁷ Hee Yaawe, wuli, i ye n tankandi, n na Alla. I ka n jawoolu bee busa ì ŋaaŋaa le to, ì ka tilimbaloolu ñiŋolu kati le ka ì barakoo bo.

Jabuuroolu 3:7 Mawu Ofanana

2 Samuweli 18:8

Keloo janjanta bankoo dandaŋo la, aduŋ kee jamaa le faata sutoo kono, ka tambi ì ye mennu faa niŋ hawusaroo* la.

Yuuba 16:10

Moolu ka naa ñoo bendi n kamma, ka ì daalu yele ka kuma fo m ma, ì ye n tamoo fadi ka n ñaawali.

Yuuba 29:17

Nte le ye moo jawoolu ŋaaŋaa kuloolu kati, ŋa feŋolu tanka, ì ñiŋolu be sorondiŋ mennu fee.

Jabuuroolu 10:12

Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 27:3

Hani niŋ kelediŋ kafoo le ye n kuru, n kija te m fara la. Hani niŋ keloo le wulita n kamma, wo ñaa-wo-ñaa m be dankeneyaa la le.

Jabuuroolu 35:23

I faŋo ye wuli, i ye loo n na boloo ye. M Maarii Alla, loo n na boloo ye.

Jabuuroolu 44:23

Maariyo, dukaree wuli! Muŋ ne ye a tinna i be siinoo la? Wuli! Kana i koo dii ǹ na fo fawu.

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Jabuuroolu 59:5

Ite Yaawe Alihawaa Maariyo*, ite le mu Banisirayila la Alla ti. Wuli, i ye banku koteŋ moolu jarabi. Kana yamfa moo kiliŋ ye, wo jamfantuŋ jawoolu kono. S

Jabuuroolu 6:4

Sabari Yaawe, n niyo tankandi. N kiisandi i la kanu bambaloo kamma la.

Jabuuroolu 7:6

Hee Yaawe, wuli i la kamfaa kaŋ, i ye loo n jawoolu kamma, ì niŋ ì la jusukandoo. N na Alla, maamaŋ. Ite ye kiitiiteyi koyiriŋo le kaniŋ.

Jabuuroolu 74:11

Muŋ ne ye a tinna i ye i maakoyiri buloo bo ǹ koto? Dukaree Alla, i bulu sembemaa bula naŋ i ye ǹ jawoolu kasaara.

Jabuuroolu 76:9

tuma meŋ na ite Alla wulita ka kiitiyo kuntu, ka duniyaa moo toorariŋolu bee tanka. S

Yesaya 51:9

Wuli, wuli Yaawe, i ye i semboo taa! Wuli, ko i ye a ke nuŋ ñaameŋ folooto. Fo ite le maŋ wo daafeŋ saŋarariŋ baa Rahabu faa baŋ? Ite le ye a soo fo i ye a faa, i ye a kuntuŋ-kuntuŋ.

Niikuyaa Suukuwolu 3:30

Kasi nte, a si a tamoo laa tulubusalaa ye, ì ye nendiroolu feenee a kaŋ.

Habakuki 2:19

Kooroo be ali ye, alitolu mennu ka a fo doko jaaroo ye ko, ‘Wuli,’ ali ka a fo bere jaaroo ye ko, ‘Loo.’ Wolu si muŋ ne yitandi noo ali la? Ì muuta sanoo la ñaa-wo-ñaa, aniŋ kodiforoo, hani wo bee maŋ ì ke niilamaa feŋ ti.”