Jabuuroolu 26:1 - Mandinka Bible

¹ Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

Jabuuroolu 26:1 Mawu Ofanana

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

Yuuba 2:3

Yaawe ko Seetaani ye ko, “I maŋ i hakiloo tu n na dookuulaa Yuuba la kuwo to baŋ? A ñoŋo maŋ soto duniyaa kono, sootaari te a la kuwo to, a tilinta, aduŋ Alla ñaasilannaa le mu. A ye a koo dii kuu jawu kewo la. I ye n ñori a kaŋ ka a kasaara, meŋ maŋ ke daliila kaŋ ti, bari hani wo ñaa-wo-ñaa, a be bambandiŋ a la dankeneyaa kaŋ.”

Yuuba 4:6

Fo i la Alla ñaasilaŋo maŋ dankeneyaa dii i la baŋ? I maañaa maŋ sootaari soto, fo wo maŋ ke i ye jikoo ti baŋ?

Jabuuroolu 121:3

A te soŋ na i siŋo ye bo i koto, i tankandilaa buka jinkoo.

Jabuuroolu 15:2

Wo mu moo le ti meŋ baluuñaa maŋ sootaaroo soto, aduŋ a kekuwolu ka tiliŋ ne, a fokumoolu ka ke tooñaa le ti, aniŋ konotoseneyaa.

Jabuuroolu 21:7

Bayiri mansa dankeneyaata Yaawe la le, wo to ka bo niŋ ate Alla Mansa Tallaa la kanu bambaloo la, a te wutu la a noo to.

Jabuuroolu 25:2

N na Alla, ŋa n jikoo loo ite le kaŋ. Kana soŋ ŋa bula maloo kono. Kana n jawoolu bula ì ye jele n na.

Jabuuroolu 25:21

Allamaa n na sootaaribaliyaa niŋ n na tiliŋo ye n tankandi, kaatu n jikoo be ite le kaŋ.

Jabuuroolu 26:11

Bari nte de, m be tara la baluuriŋ sootaaribaliyaa le kono. Balafaa n ye, i ye n kiisa.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 31:14

Bari Yaawe, nte be jikiriŋ ite le la de, n ko ite le mu n na Alla ti.

Jabuuroolu 35:24

Hee Yaawe, n na Alla, n koyindi ka bo niŋ i la tiliŋo la, aduŋ kana soŋ n jawoolu ye jele n na.

Jabuuroolu 37:31

A ka a Maarii Alla la karandiroo muta a sondomoo kono le, aduŋ a buka a lamfee.

Jabuuroolu 4:5

Ali sadaalu* bo, ko a ñanta ñaameŋ, aduŋ ali si dankeneyaa Yaawe la.

Jabuuroolu 43:1

Hee Alla, kiitiyo teyi n ye, i ye loo n na kuwo la n niŋ allantaŋolu teema. N tanka neeneerilaalu niŋ jamfantuŋolu ma.

Jabuuroolu 54:1

Hee Alla, n tanka ka bo niŋ i too la, i ye n na boloo dii n na ka bo niŋ i la semboo la.

Jabuuroolu 62:2

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na muk.

Jabuuroolu 62:6

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na.

Jabuuroolu 7:8

Yaawe, ite le ka kiitiyo teyi moo bee ye. Sembetii Baa, kiitiyo teyi n ye ka n na boloo yitandi, aniŋ n na sootaaribaliyaa.

Jabuuroolu 94:18

N kumata le ko, nte boyitoo le mu. Bari Yaawe, i la kanu bambaloo kaŋ, i ye i buloo duŋ n koto le.

Kuma Kotoomaalu 20:7

Moo tilindiŋo la baluwo kono, sootaari buka tara jee, neemoo be a diŋolu ye, mennu be seyi la a noo to.

Kuma Kotoomaalu 29:25

Ka sila moo la si moo duŋ noo kuu kono le, bari moo-wo-moo laata Yaawe la, wo ka tara tankoo le kono.

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

Hiburunkoolu 10:23

Ali ŋà mutaroo ke bambandinke jikoo la, ŋà meŋ na kuwo seedeyaa, kaatu meŋ ye laahidoo dii ǹ na, wo foroyaata le.

1 Pita 1:5

Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

2 Pita 1:10

Wo to baadiŋolu*, ali hame baa soto ali la kumandiroo niŋ tombondiroo to ka wolu bambandi. Niŋ ali ye wo ke, ali nene te boyi la,

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.

1 Samuweli 24:15

Allamaa Yaawe ye ke ǹ na kiitiilaa ti, a ye kiitiyo kuntu ǹ teema. Allamaa a ye n daliiloo je, aduŋ a ye a ke a ñaama. Allamaa a ye n koyindi, ka m bondi i buloo kono.”