Jabuuroolu 22:1 - Mandinka Bible

¹ N na Alla, n na Alla, muŋ ne ye a tinna i ye nte bula? Muŋ ne ye a tinna i maŋ m maakoyi? M be ŋuntaŋ kaŋ ne, muŋ ne ye a tinna i jamfata n na?

Jabuuroolu 22:1 Mawu Ofanana

Yuuba 3:24

Sikisikoo le keta n na domoroo ti, n na woosiyo keta le komeŋ jiiboroo.

Jabuuroolu 10:1

Hee Yaawe*, muŋ ne ye a tinna i jamfata ntolu la? Muŋ ne ye a tinna i maabota m̀ ma, waatoo meŋ m̀ be mantooroo kono?

Jabuuroolu 16:1

Hee Alla, n kanta, kaatu m be tuukuriŋ ite le la, ka n tankandi.

Jabuuroolu 22:11

Kana jamfa n na, kaatu kataa sutiyaata n na le, aduŋ moo te jee meŋ si maakoyiroo dii.

Jabuuroolu 22:16

N jawoolu ye m murubeŋ ne ko wulu koorewo, moo jawu kafoo le ye n kuru ka m beŋ, ì ye m buloolu niŋ n siŋolu soo le.

Jabuuroolu 26:9

Kana n niŋ junubelaalu kasaara ñoo la, waraŋ ka n niŋ moofaalaalu niyo taa ñoo la.

Jabuuroolu 37:28

Kaatu Yaawe ye tiliŋo le kanu, aduŋ a te a koo dii la a la moo tilindiŋolu la. A ka ì kanta le fo abadaa, bari moo jawoolu koomalankoolu, a be wolu wafati la bankoo kaŋ ne.

Jabuuroolu 38:8

M fankoo banta le fereŋ, n ka munta ì ye meŋ toñonka fo a nunkuta. N ka ŋuntaŋ ne niitooroo kamma la.

Jabuuroolu 71:11

ka a fo ko, “Alla ye a bula le. Ali ŋà a bayindi, ŋà a muta, bayiri moo te a kanandi noo la.”

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Yesaya 59:11

M̀ bee ka ŋaara le ko daafeŋ saŋarariŋo*. Ǹ ka woosii ko puraa. M̀ be n yillaariŋ kiitii tilindiŋo le la, bari m̀ buka a je. Ǹ ka kiisoo ñini, bari a jamfata le.

3 Musa 2:6

I si a kuntuŋ-kuntuŋ, i ye tuloo boŋ a kaŋ. Wo le mu siimaŋ sadaa ti.

Matiyu 27:46

Bituŋ talaŋ saba maafaŋo la Yeesu sarita santo ko, “Eli, Eli, lema sabakatani?” Wo kotoo mu ñiŋ ne ti ko, “N na Alla, n na Alla, muŋ ne ye a tinna i ye nte bula?”

Maaka 15:34

Bituŋ talaŋ saba tilibuloo la Yeesu sarita santo ko, “Eloyi, Eloyi, lema sabakatani?” Wo kotoo mu ñiŋ ne ti ko, N na Alla, n na Alla, muŋ ne ye a tinna i ye nte bula?

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Luka 24:44

Bituŋ Yeesu ko ì ye ko, “Ñiŋ ne mu kuwo ti, ŋa meŋ fo ali ye, biriŋ m be ali fee nuŋ: Feŋ-wo-feŋ meŋ safeeta n na kuwo to Musa la Luwaa* kono, annabiyomoolu la kitaaboolu, aniŋ Jabuuroolu, wolu bee ñanta timma la le.”

Hiburunkoolu 13:5

Ali si fata kodilandiyaa la ali la baluwo kono, ali ye wasa feŋo to, ali ye meŋ soto. Kaatu Alla la kumoo be safeeriŋ ne ko: “N nene te bo la i koto, sako n si i bula i faŋ ye.”

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.