Jabuuroolu 20:3 - Mandinka Bible

³ Allamaa a ye i la sadaalu* bee muta, a ye soŋ i la jani sadaalu la. S

Jabuuroolu 20:3 Mawu Ofanana

1 Musa 4:4

Haabiila fanaa ye sadaa samba naŋ. A la saajiiriŋolu kono, saajiiriŋolu mennu foloo wuluuta, a ye doolu taa wolu le kono, a ye ì faa. Bituŋ a ye ì suboo keŋo bee bo sadaa ti. Yaawe ye Haabiila niŋ a la sadaa muta.

1 Taarika 21:26

Dawuda ye sadaabodulaa loo Yaawe ye jee, a ye jani sadaalu niŋ kayira sabatindiraŋ sadaalu bondi. A duwaata jee, aduŋ Yaawe ye a jaabi niŋ dimbaa la, ka bo naŋ saŋo santo, ka sadaa jani meŋ be sadaabodulaa kaŋ.

2 Taarika 7:1

Kabiriŋ Sulemani ye a la duwaa kumfaa, dimbaa jiita naŋ ka bo santo, a ye jani sadaalu* niŋ beeyaŋ sadaalu bee jani, aduŋ Yaawe la kallankeeyaa* ye Batudulaa Buŋo* bee faa.

Jabuuroolu 128:5

Allamaa Yaawe neema la i ma ka bo Siyoni*. Allamaa i ñaa ye Yerusalaamu la firiŋo je, i baluu tiloo bee la.

Jabuuroolu 134:3

Allamaa Yaawe ye neema ali ma ka bo Siyoni*, ate meŋ ye saŋo niŋ bankoo daa.

Jabuuroolu 51:19

Niŋ wo keta, i be seewoo la sadaa sootaaribaloolu la le, mennu mu jani sadaalu ti, aduŋ m̀ be ninsituuraalu le bo la sadaa ti, i la sadaajanidulaa* kaŋ.

Yesaya 60:7

Kedari saajii koorewolu bee be beŋ na i yaa le, Nebayoti saajiikotoŋolu ye tara i sawoo to, m be soŋ na le, ì ye ke sadaa ti, n na sadaajanidulaa* kaŋ. Aduŋ m be n na Batudulaa ñiimaa ñarandi la le.

3 Musa 9:24

Wo to le Yaawe ye dimbaa jindi naŋ, a ye jani sadaalu niŋ ì keŋo bee jani sadaajanidulaa kaŋ. Kabiriŋ moolu ye wo je, ì wuurita, ì sujudita.

Kiilaalu 10:4

Kooneliyus ye a ñaalu loo a kaŋ, a kijafaratoo. A ko a ye a ko, “Maariyo, muŋ ne mu?” Bituŋ malaayikoo ko a ye ko, “Alla hakiloo be i la duwaalu niŋ sadaalu kaŋ ne.

Efesusinkoolu 5:2

Ali taama kanoo kono, ko Kiristu* ye ǹ kanu ñaameŋ, fo a ye a faŋo dii ǹ na sadaa* ti, meŋ seeroo diyaata Alla ye.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.