Jabuuroolu 2:5 - Mandinka Bible

⁵ Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

Jabuuroolu 2:5 Mawu Ofanana

Jabuuroolu 109:20

Allamaa wo ye ke n tuumilaalu la joo ti ka bo Yaawe bulu, wolu mennu ka kuma jawoolu fo m ma.

Jabuuroolu 21:9

Niŋ i naata, i be ì jani la le ko fuuri dimbaa ka janiroo ke ñaameŋ. Yaawe be ì kunuŋ na a la kamfaa baa kono le, dimbaa ye ì domo.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 34:2

Yaawe* be kamfaariŋ bantala bankoolu bee kamma le, a jusoo be kandiriŋ ì la kelediŋ kafoolu bee le kamma. A be ì kasaara la le fereŋ, a ye ì dii ka taa ì kanateyi.

Yesaya 66:6

Ali a moyi, maakaŋo le ka bo naŋ saatewo kono, sari kaŋo ka bo Yaawe Batudulaa to! Yaawe kumakaŋo le mu, ka i joo a jawoolu to a ñaama.

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Luka 19:27

Bari n jawoolu mennu maŋ lafi, nte ye ì mara, ali ì samba naŋ jaŋ, ali ye ì faa n ñaa la.’ ”

Lankenemoo 1:16

A ye looloo woorowula le muta a bulubaa buloo kono. Hawusari* daa fuloo fintita naŋ a daa kono, aduŋ a ñaadaa be malamala kaŋ ne ko tilikuntee baa.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.