Jabuuroolu 2:4 - Mandinka Bible

⁴ Ate meŋ be siiriŋ mansasiiraŋo kaŋ Arijana, a jeleta le. Maariyo ye ì muta jelefeŋo le ti.

Jabuuroolu 2:4 Mawu Ofanana

2 Mansoolu 19:21

A ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.

Jabuuroolu 11:4

Yaawe be a taradulaa senuŋo to le, a ka a la mansabaayaa taamandi le ka bo Arijana kono, a ñaa be kuwo bee le la, aduŋ a ka hadamadiŋolu bee le koroosi.

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Jabuuroolu 123:1

Yaawe*, n ñaa be ite le kaŋ santo, ite meŋ be siiriŋ i la mansabaayaa kono Arijana.

Jabuuroolu 37:13

Bari Maariyo ka jele moo jawoo la le, kaatu a ye a je le ko, sambii a la luŋo be sii la.

Jabuuroolu 53:5

Wo to ì be tara la kijafara baa le kono, hani niŋ dewuŋ kuu te keriŋ, kaatu Alla be a la moolu boyinkannaalu kasaara la le, a ye ì kuloolu janjaŋ. Ì be bula la malu kuwo le kono, kaatu Alla ye ì fayi le.

Jabuuroolu 59:8

Bari ite Yaawe ka jele ì la le. Ì jututa banku koteŋ moolu la le.

Jabuuroolu 59:9

Ite le mu n semboo ti, n na tankandirilaa. Ite Alla le mu n ye tatoo ti.

Jabuuroolu 68:33

Ali a laa ate ye, meŋ ka taama saŋ fatoolu kaŋ, mennu daata biriŋ foloodulaa to. A moyi baŋ, a ye a kumakaŋo bumbundi le, a la kumakaŋ sembemaa.

Kuma Kotoomaalu 1:26

nte faŋo le be naa jele la ali la maasiiba kuwo la. M be ali ñaawali la le, niŋ ali dunta silaŋo kono,

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”