Jabuuroolu 17:7 - Mandinka Bible

⁷ I la kanu bambaloo la kaawakuuyaa yitandi n na, ite Kiisandirilaa, meŋ ka moolu kiisa, mennu ka tankoo ñini i bulu ì jawoolu ma.

Jabuuroolu 17:7 Mawu Ofanana

2 Mansoolu 19:22

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

2 Mansoolu 19:34

Yaawe be loo la ñiŋ saatewo ye le ka a tankandi a faŋo la kuwo kamma la, aniŋ a la dookuulaa Dawuda la kuwo kamma la.”

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

Jabuuroolu 20:6

Silaŋ ŋa a loŋ ne ko, Yaawe be a la tomboŋ mansa maakoyi la le. A be a jaabi la le ka bo a la Arijana senuŋo kono, ka a jawoolu noo a ye baake, ka bo niŋ a sembe baa la.

Jabuuroolu 31:21

Tenturoo be Yaawe ye, kaatu a ye a la kanu bambaloo kaawakuumaa le yitandi n na, kabiriŋ m be deteriŋ, a ka munta m be saatee sukiriŋo le kono.

Jabuuroolu 31:22

N na jaakaloo kono, ŋa a miira le ko, n wafatita i ñaa koto le. Bari i ye n kumboo kaŋo moyi le, kabiriŋ ŋa i daani ka balafaa n ye.

Jabuuroolu 44:3

Ì maŋ bankoo taa ka bo niŋ ì la hawusaroolu* la, waraŋ ka nooroo ke ì faŋolu semboo la. I semboo la waroo le ye a tinna, aniŋ i la taroo ì fee, ka a yitandi ko i ye ì kanu le.

Jabuuroolu 60:5

Ǹ na duwaa jaabi, ǹ kiisa i ye ǹ deemaa ka bo niŋ i bulubaa buloo la, ñiŋ kamma la i la kanu moolu si tanka.

Jabuuroolu 78:12

Ì mumuñolu ye a je le a ye kaawakuwolu mennu ke Sowani kene fanuŋolu kono, Misira bankoo kaŋ.

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Kiilaalu 2:33

A be siiriŋ Alla bulubaa karoo la. A ye laahidoo soto Noora Kuliŋo la kuwo to le nuŋ a Faamaa bulu, aduŋ saayiŋ a ye ñiŋ Nooroo jindi ntolu kaŋ ne, ko ali ye a je aniŋ ali ye a moyi ñaameŋ.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.