“Yaawe Alla, saayiŋ wuli, i ye duŋ i la sabatidulaa to, i niŋ i la Kambeŋ Kunewo, i semboo taamanseeroo. Yaawe, kiisoo dendikamaa ye tara dundiŋ i la piriisoolu* la, i la moo senuŋolu ye seewoo i la beteyaa kamma la.
M be konotodiyaa le yitandi la lannamoolu la, bankoo kaŋ, aduŋ n si ì bula ì ye sabati m fee. Moo-wo-moo ka a hakilitu a faŋ to, fo a kana sootaaroo soto a kekuwolu to, wo si dookuwo ke noo n ye le.
Moolu te i kumandi la Tumbuŋo la kotenke, waraŋ Banku Tiñaariŋo. Ì be i kumandi la Kanuntee Saatewo le la, i la bankoo be muluŋ na le ko maañoo, kaatu Yaawe be kontaani la i la kuwo la le, aduŋ i la bankoo be ke la a taa le ti, ko maañoo ka ke a keemaa taa ti ñaameŋ.
Yaawe Alihawaa Maariyo ye ñiŋ ne fo ko, “Tooñaa luŋo m be meŋ parendi kaŋ naŋ, itolu le be ke la n na moo kummaalu ti komeŋ sanoo niŋ luuluwo. M be hiina la ì ye le, ko faa ka hiina a dinkewo ye ñaameŋ, meŋ ye a batu.
Nte Pawulu, Kiristu* Yeesu la kiilaa* ka bo niŋ Alla la lafoo la, m be Alla la moo senuŋolu kontoŋ na, mennu be Efesus, aniŋ mennu foroyaata Kiristu Yeesu kono.
Ñinnu mu tooñaa kumoo le ti. N lafita le, i ye ñiŋ kuwolu bambandi moolu ma, mennu laata Alla la, fo ì si ì hakiloo tu ka baara betoolu ke. Ñiŋ kuwolu beteyaata baake le, aduŋ ì ye nafaa soto moolu bee le ye.
Kaatu Alla tilinta le, aduŋ a te ñina la ali la dookuwo la, aniŋ kanoo, ali ye meŋ yitandi a too kamma la, ka moo senuŋolu maakoyi, aduŋ ali be looriŋ wo kaŋ ne hani saayiŋ.