Jabuuroolu 140:6 - Mandinka Bible

⁶ Yaawe, n ko ite le mu n na Alla ti. Hee Yaawe, i lamoyi n na duwaa la, m be maakoyiri ñiniŋo le la.

Jabuuroolu 140:6 Mawu Ofanana

Jabuuroolu 116:1

Ŋa Yaawe* kanu le, kaatu a ye m moyi le, biriŋ n woosiita a ye ka a daani.

Jabuuroolu 119:57

Ite Yaawe le keta nte taa ti, ŋa laahidoo taa le ka i la kumoolu muta.

Jabuuroolu 130:2

Maariyo, n na kumandiroo moyi, i lamoyi n na daaniroo la, i ye balafaa n ye.

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Jabuuroolu 143:1

Hee Yaawe*, n na duwaa moyi, i lamoyi n na daaniroo la. N jaabi, kaatu i tilinta le, aduŋ i konotoo seneyaata.

Jabuuroolu 16:2

Ŋa ñiŋ ne fo ite Yaawe* ma ko, “Ite le mu m Maariyo ti. Nte maŋ kuu kende soto ite koolaa.”

Jabuuroolu 31:14

Bari Yaawe, nte be jikiriŋ ite le la de, n ko ite le mu n na Alla ti.

Jabuuroolu 57:7

Hee Alla, n sondomoo ye i la kuwo muta le, a bambanta. M be suukuwo laa la le ka i jayi.

Jabuuroolu 64:1

Hee Alla, i lamoyi n woosiikaŋo la. N tanka n jawoolu la silandiroolu ma.

Jabuuroolu 91:2

wo si a fo noo Yaawe* ye le ko, “Ite le mu n ye tankadulaa ti, aduŋ i mu n ye tatoo le ti. Ite le mu n na Alla ti, ŋa n jikoo sembe meŋ na.”

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Niikuyaa Suukuwolu 3:24

N niyo faŋo ko, “Yaawe, ŋa ite dammaa le soto, wo to m be n jikoo loo la i kaŋ ne.”

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”