Jabuuroolu 140:3 - Mandinka Bible

³ Ì neŋolu be le ko saa saŋarariŋo, ì la kumoolu be ko biidaa kunoo. S

Jabuuroolu 140:3 Mawu Ofanana

1 Musa 3:13

Bituŋ Yaawe Alla ko musoo ñiŋ ye ko, “I ye muŋ kuu le ke teŋ?” Musoo ko a ye ko, “Saa le ye m marisa, fo ŋa a domo.”

Jabuuroolu 57:4

Nte ka munta le ko, m be jata konkoriŋolu le teema. Ì ñiŋolu munta le ko soora kesoolu niŋ kalabeñoolu, ì neŋolu be ko hawusaroo*.

Jabuuroolu 58:4

Ì be faariŋ kunoo le la komeŋ saa, ì ye ì tuloo suki komeŋ biidaa tulu sukiriŋo,

Jabuuroolu 59:7

A juubee, ì daa ka kumakaŋolu mennu feenee. Ì daakumoo ka munta le ko muroo, aduŋ ì ka a fo le ko, “Jumaa le be m̀ moyi noo la?”

Kuma Kotoomaalu 12:18

Ka kuma fo i maŋ i miira, ka munta le ko niŋ hawusaroo* ye moo soo, bari moo ñaamendiŋo daakumoo si moo jaara noo le.

Kuma Kotoomaalu 23:32

Labaŋo la, a ka kindiroo ke le komeŋ daŋaroo, aduŋ a ka kunoo soto le komeŋ biidaa.

Kuma Kotoomaalu 6:14

Ì ka kuu kuruŋo feeroo siti, neeneeroo ye tara ì sondomoo kono, wolu ka tu naafikiyaa doroŋ ne ke la.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Niikuyaa Suukuwolu 3:62

Woyi nte! Tiloo bee, n jawoolu daa be n kaŋ doroŋ, n na kuwo be ì kono.

Matiyu 12:34

Alitolu daŋari koorewo! Alitolu moo jawoolu si kuma betoo fo noo ñaadii le? Sondomoo be faariŋ meŋ na, daa ka wo le fo.

2 Korintinkoolu 11:3

Bari saayiŋ nte be silariŋ ne ko, ali la miiroolu kana ali filindi ko saa ye Hawa neenee ñaameŋ, ka bo niŋ a la feere jawoo la, meŋ si a tinna, ali ye bo ali la soobeeyaa to, aniŋ ali la foroyaa Kiristu ye.