Jabuuroolu 135:19 - Mandinka Bible

¹⁹ Alitolu Banisirayilankoolu, ali Yaawe tentu, alitolu Haaruna koomalankoolu, ali a tentu.

Jabuuroolu 135:19 Mawu Ofanana

Lankenemoo 19:5

Bituŋ kumakaŋo bota mansasiiraŋo to, meŋ ko: “Ali ŋà ǹ na Alla jayi, alitolu bee mennu mu a la dookuulaalu ti, alitolu mennu ye a ñaasilaŋo soto, biriŋ moondiŋ fo moo baa.”

Jabuuroolu 148:14

A ye semboo dii a la moo tilindiŋolu la le, meŋ keta a la moolu ye horomoo ti, wo le mu Banisirayilankoolu ti, mennu sutiyaata a la. Ali Yaawe jayi.

Jabuuroolu 145:10

Yaawe, i la daafeŋolu bee be i jayi la le, i la lannamoolu bee ye i tentu.

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

Jabuuroolu 115:12

Yaawe hakiloo ka tu ǹ kaŋ ne, aduŋ a be neema la m̀ ma le, a be neema la Banisirayilankoolu ma le, aniŋ Haaruna koomalankoolu bee.