Jabuuroolu 13:2 - Mandinka Bible

² Janniŋ muŋ tuma le m be tu la muñariŋ niikuyaa kono, n jusoo ye tara faariŋ sunoo la suutoo niŋ tiloo? Janniŋ muŋ tuma le n jawoolu be tara la i kutu la n na?

Jabuuroolu 13:2 Mawu Ofanana

Nehemiya 2:2

Bituŋ mansa ko n ye ko, “Muŋ ne ye a tinna i ñaa be kuyaariŋ, kaatu i maŋ saasaa? Niikuyaa doroŋ ne si ñiŋ saabu noo.” Bituŋ n silata baake.

Esita 7:6

Esita ko a ye ko, “Ǹ toorandilaa niŋ ǹ jawoo mu ñiŋ Hamani moo kuruŋo le ti.” Bituŋ Hamani ye a ñaa mala mansa niŋ a la musoo kaŋ.

Yuuba 10:15

Niŋ a ye a tara m boyita le, wo to kooroo boyita n kaŋ ne! Bari hani niŋ m boloota le fanaa, n te n sañoo wulindi noo la. Kaatu n dunta malu kuwo le kono, n tarata niitooroo kono.

Jabuuroolu 10:18

I be aliyatiimoolu danku la le, aniŋ moo toorariŋolu, ka kiitiyo teyi ì ye. Wo to le moo te tara la duniyaa meŋ si moo doolu silandi.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Jabuuroolu 17:9

ka n tanka moo kuruŋolu la maasiiboo ma, n jawoolu mennu ye m muruŋ-muruŋ karoo bee la, ka n niyo ñini.

Jabuuroolu 31:18

Faniyaa folaalu daa siti, mennu ka kuma jawu baalu fo moo tilindiŋolu ma, aniŋ faŋ waroo niŋ jutunnayaa.

Jabuuroolu 38:17

Kaatu m be boyoo le daa to, aduŋ dimiŋo le ka tu n na doroŋ.

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 6:4

Sabari Yaawe, n niyo tankandi. N kiisandi i la kanu bambaloo kamma la.

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.

Jabuuroolu 74:10

Hee Alla, janniŋ muŋ tuma le ǹ jawoolu be tara la i ñaawali la? Fo ì be tu la i neŋ na le baŋ fo fawu?

Jabuuroolu 74:18

Hee Yaawe*, i miira i jawoolu ka ñaawaliroo meŋ ke i la, wo toolewolu ka nendiroo meŋ ke i la.

Jabuuroolu 8:2

Deenaanoolu niŋ dindiŋolu ka a suukuu le. I ye tankadulaa le loo, i jawoolu la kuwo kamma la, ka konnantewo deyindi, aniŋ julujoolaa.

Jabuuroolu 9:6

I ye ǹ jawoolu turutumbuŋ ne, i ye ì la saatewolu buruka, ì la kuwo keta ñinataa ti fereŋ.

Kuma Kotoomaalu 15:13

Jusulaa ka finti ñaadaa bala le, bari niŋ i jusoo diminnaata, i ka jiraŋ ne.

Kawandilaa 5:17

Ñiŋ koolaa, a ka a la baluwo muumeelaa bee ke diboo le kono, wo niŋ niitoora bambaloo, kuuraŋo, aniŋ niikuyaa.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 45:3

“I ka ñiŋ ne fo ko, ‘Woyi nte! Yaawe ye niitooroo le lafaa n na dimiŋo kaŋ. M bataata ŋuntaŋo la le, m maŋ dahaa soto.’

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Niikuyaa Suukuwolu 1:9

Kosoo le be i la faani tuloo bala, i maŋ i labaŋo muta feŋ ti, wo le ye i la boyoo saŋarandi, i maŋ sabarindilaa soto. I kumboota, “Hee Yaawe, n na mantooroo juubee, n jawoolu ye i kutu n na le.”

Niikuyaa Suukuwolu 5:20

Muŋ ne ye i ñinandi ntolu la ñiŋ saŋolu bee la, muŋ ne ye a tinna ì ye i koo dii ǹ na fo waati jaŋ?

Matiyu 26:38

A ko ì ye ko, “N niyo sunuta le, fo m be naa faa la. Ali tu jaŋ, ali ye tara ali ñaa la m fee.”

Luka 22:53

Biriŋ n tarata ali fee luŋ-wo-luŋ Alla Batudulaa to, ali maŋ ali buloolu laa n kaŋ. Bari ñiŋ ne mu ali la waatoo ti, diboo le be maraloo la saayiŋ.”

Yohana 16:6

Ŋa ñiŋ kuwolu mennu fo ali ye, wolu le ye ali sondomoolu fandi niŋ niikuyaa la.

Roomankoolu 9:2

Ŋa sunu baa le soto n sondomoo kono, aniŋ niitooroo meŋ maŋ dandulaa soto,

Filipinkoolu 2:27

Tooñaa, a kuuranta nuŋ baake le, fo a be naa faa la. Bari Alla ye balafaa soto a ye le, aduŋ wo maŋ ke ate dammaa ye, kaatu niŋ wo nte, a la kuwo be nte la sunoo kafu la le.

1 Samuweli 18:29

a naata sila Dawuda la baake. Bituŋ a keta a jawoo ti a la baluwo bee kono.

1 Samuweli 24:19

Niŋ moo ye a jawoo muta, fo a ka a bula le a ye taa, a maŋ kuu jawoo ke a la baŋ? Allamaa Yaawe ye neema ke i ye i la baaroo la, i ye meŋ ke n ye bii.