Jabuuroolu 13:1 - Mandinka Bible

¹ Hee Yaawe*, janniŋ muŋ tuma? Fo i be ñina la nte la le fo fawu? Janniŋ muŋ tuma le i be i ñaa faa la nte ma?

Jabuuroolu 13:1 Mawu Ofanana

Yuuba 13:24

Muŋ ne ye a tinna i ye i ñaa kaasi n na, i ye m muta ko i jawoo?

Jabuuroolu 10:12

Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Jabuuroolu 35:17

Hee Maariyo, janniŋ muŋ tuma le mu i be tara la juubeeroo doroŋ na? N tankandi ì la boyinkaŋo ma. N niyo tankandi ñiŋ jatoolu ma.

Jabuuroolu 44:24

Muŋ ne ye a tinna i ye i faŋ maabo m̀ ma? Muŋ ne ye a tinna i ñinata ǹ na bataa niŋ mantooroo la?

Jabuuroolu 6:3

N niyo faŋo be tooroo le kono. Hee Yaawe, fo janniŋ muŋ tuma?

Jabuuroolu 74:1

Hee Alla, muŋ ne ye a tinna i ye i koo dii ntolu la fo fawu? Muŋ ne ye a tinna i jusoo kandita i faŋo la saajii koorewo kamma, i mu mennu kantalaa ti?

Jabuuroolu 80:4

Hee Yaawe* Alihawaa Maariyo*, janniŋ muŋ tuma le i be tara la kamfaariŋ, ka balaŋ i la moolu la duwaa jaabi la?

Jabuuroolu 85:5

Fo i be tu la kamfaariŋ ǹ kamma le doroŋ? Fo i la kamfaa be tu la le fo fawu?

Jabuuroolu 89:46

Hee Yaawe, janniŋ muŋ tuma? Fo ite be tu la i faŋ maabo la le fo abadaa? Janniŋ muŋ tuma le i la kamfaa be tu la mala la ko dimbaa?

Jabuuroolu 90:14

I la kanu bambaloo yitandi ǹ na fanoo la ke tumoo la, fo ǹ si seewoo ka suukuwo laa ǹ na baluu tiloolu bee la.

Yesaya 59:2

Bari ali la junuboolu le ye a tinna, kalee baa be ali niŋ ali la Alla teema, ali la kuu jawu kewo le ye a saabu, a ye a koo dii ali la, fo a buka i lamoyi ali la.

Niikuyaa Suukuwolu 5:20

Muŋ ne ye i ñinandi ntolu la ñiŋ saŋolu bee la, muŋ ne ye a tinna ì ye i koo dii ǹ na fo waati jaŋ?

5 Musa 31:17

Wo luŋo la, m be kamfaajawu la ì kamma le. M be n koo dii la ì la le, ŋa maabo ì ma, ì ye kasaara. Toora kuu jamaa si laa ì kaŋ, aniŋ kuu jawu jamaa. Wo luŋo le mu ì be a fo la ko, ‘Ñiŋ kuu jawoolu bee laata ǹ kaŋ, kaatu ǹ na Alla maŋ tara m̀ fee.’