Jabuuroolu 128:3 - Mandinka Bible

³ I la musoo be ke la i la suwo kono le, komeŋ yiri dinnaa baa. I diŋolu be ke la i la domori miraŋo dandaŋo la le, komeŋ yiri faliŋ kutoolu.

Jabuuroolu 128:3 Mawu Ofanana

1 Musa 49:22

Yusufa, ite ka muluŋ ne ko yiri dinnaa, yiri dinnaa meŋ be woyoo daala. A buloolu be sele kaŋ sansaŋ baloo la.

1 Taarika 8:40

Ulamu dinkewolu mu kelejawara baalu le ti, aniŋ kalafayilaa baalu. Ì ye dinkee jamaa le soto, aniŋ mamariŋ jamaa, a taata kaañaŋ moo keme, moo taŋ luulu le fee. Ñinnu bee keta Benjamini koomalankoolu le ti.

Jabuuroolu 127:3

Diŋolu mu soorifeŋo le ti ka bo Yaawe bulu, ì mu a la jooroo le ti.

Jabuuroolu 127:5

Seewoo be kewo le ye, meŋ ye wo ñoŋ jamaa soto. A te malu la, niŋ a niŋ a jawoolu benta kiitiikuntu dulaa saatewo dundaŋ daa* to.

Jabuuroolu 144:12

Allamaa ǹ dinkewolu ye ke ì la fondinkeeyaa kono komeŋ yiri mendiŋolu. Allamaa ǹ dimmusoolu ye ke komeŋ samasiŋ ñiimaalu mennu ka tara mansabuŋo tonkoŋolu la, ka a muta.

Jabuuroolu 52:8

Bari nte ka munta le ko olifu* yiroo meŋ falinta Alla Batudulaa Buŋo* to. Ŋa n jikoo loo Alla la kanu bambaloo le kaŋ fo abadaa.

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Esekiyeli 19:10

“I baamaa ka muluŋ ne ko yiri kendoo yiri kankaŋo kono, jiyo siyaata daameŋ. A ka diŋ jamaa le diŋ, bulu jamaa ka soroŋ a bala, feŋ teŋ fo jiyo la siyaa kamma.

Roomankoolu 11:24

Baawo niŋ ite kuntuta ka bo yiroo bala, meŋ mu wulakono olifu yiroo doroŋ ti, aduŋ i sunkuruta seneyiroo bala, wo to a maŋ ke kuu baa ti ka wo yiroo fansuŋ buloolu sunkuru a bala kotenke.