Jabuuroolu 127:2 - Mandinka Bible

² Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Jabuuroolu 127:2 Mawu Ofanana

Yuuba 11:18

I si taamaayaa soto, kaatu jikoo le be tara la i ye. I si tankoo soto, i ye i la foñondiŋo ke kayiroo kono.

Jabuuroolu 3:5

N ka n laa le ŋa siinoo, ŋa wuli kotenke, kaatu Yaawe le ka n kanta.

Jabuuroolu 4:8

M be n laa la le dek, ŋa siinoo kayira kono, kaatu ite Yaawe doroŋ ne ka n sabatindi tankoo kono.

Jabuuroolu 60:5

Ǹ na duwaa jaabi, ǹ kiisa i ye ǹ deemaa ka bo niŋ i bulubaa buloo la, ñiŋ kamma la i la kanu moolu si tanka.

Kuma Kotoomaalu 10:22

Yaawe la neemoo le ka naafuloo samba naŋ, bari kata baa buka feŋ ne lafaa a kaŋ.

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Kawandilaa 4:8

Kewo doo le mu, a kiliŋ doroŋ ne be a faŋ ye. A maŋ diŋ soto, a maŋ baadiŋ soto. A la katoo warata, dandulaa te meŋ na. Bari hani wo, a la sotoo maŋ a ñaa faa. A ye a faŋ ñininkaa ko, “Nte be ñiŋ kata kuwo bee ke kaŋ jumaa le ye? Muŋ ne ye a tinna ŋa n koo dii niidiyaa kuwolu la?” Ñiŋ fanaa maŋ ke feŋ ti, bataa doroŋ ne mu.

Kawandilaa 5:12

Sembe dookuulaa la siinoo, siinoo diimaa, a ye domoroo soto a ñaama wo, a maŋ a soto a ñaama wo, a ka siinoo le. Bari fankamaa la soto baa, wo le faŋo ka a tinna a buka siinoo noo a ñaama.

Kawandilaa 6:7

Hadamadiŋo la kata kuwo bee ka tara a konoo le ye, bari hani wo, a buka wasa noo.

Yeremiya 31:26

Wo tumoo le mu n kuninta, ŋa n ñaa yele. A keta nuŋ siinoo diimaa le ti.

Esekiyeli 34:25

“N niŋ n na moolu be kayira kambeŋo le siti la. M be wulakono daafeŋ jawoolu bee bondi la ì ye bankoo kaŋ ne, i si a je n na moolu si tara kayiroo kono, ka i laa noo ka siinoo kayira kono wo keñewuloo* niŋ wula kaamaa kono.