Jabuuroolu 127:1 - Mandinka Bible

¹ Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

Jabuuroolu 127:1 Mawu Ofanana

1 Mansoolu 5:12

Aduŋ Yaawe ye ñaameŋo dii Sulemani la le, komeŋ a ye a laahidi ñaameŋ. Kayiroo tarata Hiramu niŋ Sulemani teema, aduŋ ì moo fuloo ye kambeŋo siti.

1 Taarika 28:10

A loŋ ko, Yaawe ye ite le tomboŋ ka a la Batudulaa Buŋo* loo. Saayiŋ i si i paree, i ye wakiili ka a loo.”

1 Taarika 28:20

Bituŋ Dawuda ko a diŋo Sulemani ye ko, “Loo i ye bambaŋ, i ye wakiili ka ñiŋ dookuwo ke. Kana sila sako i si jikilateyi, kaatu Yaawe Alla, n na Alla, be i fee le. A nene te i bula la, a be tara la i fee le, fo i ye ñiŋ dookuwo bee baŋ, a la Batudulaa Buŋo to.

1 Taarika 29:19

I si n dinkewo Sulemani maakoyi, ka i la yaamaroolu, i la kumoolu aniŋ i la luwaalu bee nooma, a sondomoo bee la, aduŋ a si Batudulaa loo, ŋa meŋ na kuwolu parendi teŋ.”

Jabuuroolu 120:1

Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

Jabuuroolu 121:1

Ŋa n ñaalu wulindi ka konkoolu juubee. Maakoyiroo ka bo n ye naŋ mintoo le?

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Jabuuroolu 123:1

Yaawe*, n ñaa be ite le kaŋ santo, ite meŋ be siiriŋ i la mansabaayaa kono Arijana.

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 72:1

Hee Alla, i la kiitiiteyoo yitandi mansa la, i ye i faŋo la tiliŋo duŋ mansariŋo to.

Jabuuroolu 78:69

A ye a Batudulaa Senuŋo loo jee le komeŋ saŋ fata jamfariŋolu. A ye a londi le komeŋ bankoo, meŋ te bo la a noo to fo fawu.

Kuma Kotoomaalu 16:9

Hadamadiŋo ka a la feeroolu siti a sondomoo kono le, bari Yaawe le ka a la kuwolu bee taamandi.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Suukuwo 3:3

N niŋ saatee kantalaalu benta, biriŋ ì be saatee muruŋ-muruŋo la, ŋa ì ñininkaa ko, “Ali maŋ n kanuntewo je n ye baŋ?”

Suukuwo 5:7

N niŋ saatee kantalaalu benta, biriŋ ì be saatee muruŋ-muruŋo la, ì ye n lipa fo ì ye m barama. Ñiŋ saatee tata kantalaalu, ì ye n na bitiraŋ faanoo wafu n na, ì ye a samba.

Yesaya 27:3

“Nte Yaawe le ka a kanta, n ka a jiiboŋ taariŋ, n ka a kanta suuto tili, fo moo kana a tiñaa.

Yesaya 56:10

Banisirayila la ñaatonkoolu finkita le, ì bee maŋ londi soto, ì keta wulu mumunewolu ti, ì buka hawuroo ke noo. Ì ka tu laariŋ ne doroŋ aniŋ ka siiboo, siinoo diyaata ì ye le.

Yesaya 62:6

Hee Yerusalaamu, ŋa saatee kantalaalu le londi i la tata sansaŋolu kaŋ santo. Suuto tili la ì te tara la deyiriŋ muumeeke duwaa la. Alitolu mennu ka duwaa daani Yaawe bulu, ali kana i foñondiŋ.

Yeremiya 51:12

Ali bandeeroo wulindi taamanseeroo ti ka Babiloni tata sansaŋolu boyinkaŋ, ali kelediŋ kantarilaalu bambandi jee kamma, ali ye kantarilaalu londi ì dulaalu to! Ali kelediŋolu wulindi ì ye deleŋo laa ì kamma!” Silaŋ, Yaawe ye a la natoo ke le fokabaŋ, a ye meŋ fo Babiloni la kuwo to.

Yeremiya 51:31

Kiilaalu loota ñoo nooma, ì loota ñoo nooma, ì niŋ boroo, ka taa a fo Babiloni mansakewo ye ko, ì ye a la saatewo karoo bee muta le,

1 Korintinkoolu 15:14

Bari niŋ a ye a tara, Kiristu maŋ wulindi ka bo saayaa kono, wo to ntolu la kawandoo mu kenseŋ ne ti, aduŋ ali la lannoo fanaa mu kenseŋ ne ti.

1 Korintinkoolu 3:7

Wo kamma la, meŋ ka tuturoo ke, waraŋ meŋ ka jiibondiroo ke, wolu maŋ ke feŋ ti, bari Alla doroŋ, meŋ ka falindiroo ke.

Kalatiyankoolu 4:11

M be dewundiŋ ali la kuwo la le, kaatu m maŋ a loŋ, fo n na dookuwo ali kono keta kenseŋo le ti.

5 Musa 8:18

Ali si ñiŋ loŋ ko Yaawe ali la Alla le ye semboo dii ali la ka fanka. A ye ñiŋ ke le ka a la tiliŋo yitandi kambeŋo la kuwo to, meŋ be a niŋ ali mumuñolu teema, fo ka naa bula bii la.

Yosuwa 2:2

Doo le taata a fo Yeriko mansa ye ko, “Banisirayilankoolu la moo doolu le fele, ì naata jaŋ ñiŋ suutoo, ka kullooñini ke bankoo keñaa la.”