Jabuuroolu 12:3 - Mandinka Bible

³ Allamaa Yaawe ye yootirilaalu deyindi, mennu ka kibiri kuma baalu fo ì neŋolu la,

Jabuuroolu 12:3 Mawu Ofanana

Yuuba 32:22

Niŋ n daajikoo mu falikulu tentoo le ti, wo to n Daamansoo si n siyo daŋ saayiŋ.

Jabuuroolu 116:11

N na dewuŋo kaŋ n kumata ko, “Moolu bee le maŋ ke jikitaa ti.”

Jabuuroolu 140:12

Yaawe, ŋa a loŋ ne ko, ite le ka loo moo bataariŋolu la kiitiyo la, aniŋ fentaŋolu la boloo ye.

Jabuuroolu 17:10

Balafaa te ì sondomoo kono. Ì ka faŋ wara kumoolu le fo ì daalu la.

Jabuuroolu 55:22

I la bataa dunoo tu Yaawe bulu, a be a topatoo la le. A nene te soŋ na ì ye moo tilindiŋolu wutundi ì noo to.

2 Musa 15:9

“I jawoolu ye daa wara kumoolu fo ko, ‘M̀ be ì bayindi la, aduŋ m̀ be ì tarandi la le. M̀ be ì la naafuloo talaa la le, meŋ diyaata ǹ ye, m̀ be wo le taa la. M̀ be ǹ na hawusaroo* saba la, m̀ be ì bee kasaara la le.’

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Kuma Kotoomaalu 26:24

Moo jawoo ka a faŋo la jawuyaa maabo niŋ a daakumoo le la, bari neeneeroo le ka tara a sondomoo kono.

Yesaya 10:10

A ko, mansamarali bankoolu mennu ka jalaŋolu batu, a buloo siita ì ma le. Ñiŋ jalaŋolu le semboo warata Yerusalaamu niŋ Samariya la jalaŋolu ti.

Yesaya 59:4

Moo buka kiitiyo kuntu a ñaama, waraŋ ka a la kuwo samba luwaa ñaatiliŋo la niŋ siloo la. Ì ka laa diyaamu kenseŋo le la, aniŋ faniyaa foo. Fitina kuwo le ka tara ì kono, a ye naa kuu kuruŋo wuluu.

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Yeremiya 9:8

Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Esekiyeli 28:9

Niŋ i loota i faalaalu ñaatiliŋo la, fo hani saayiŋ, i be a fo la le ko, ite mu alla le ti baŋ? Bari hani wo, i maŋ ke alla ti. Hadamadiŋo doroŋ ne mu i ti, i wo faalaalu buloo kono.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Daniyeli 7:25

A be Alla Mansa Tallaa sooki la le, aduŋ a be Alla la moolu toorandi la le. A be feeroo ke la le ka ì la diina luwaalu niŋ waati looriŋolu faliŋ. Alla la moolu be tara la marariŋ a bulu le fo sanji saba niŋ too.

Daniyeli 7:8

N tarata binoolu koroosi kaŋ ne, wo le to ŋa a je binandiŋo be finti kaŋ doolu teema. A ye bina saba le wutundi ì noo to, mennu foloo tarata jee. Ñiŋ binoo ye hadamadiŋ ñaalu le soto, aniŋ daa meŋ ka kuma baalu fo.

Malaki 3:13

Yaawe ye ñiŋ ne fo ko, “Ŋa ali la kuma jawoolu moyi le, ali ye mennu fo m ma. Bari ali ye ñiŋ ne fo ko, ‘Ntolu ye kuma jawoolu fo i ma ñaadii le?’

2 Pita 2:18

Ì ka kuma kenseŋolu le fo niŋ ì la kibiri kuma baalu la. Ì ka ñiŋ moolu muta ka bo niŋ balajaatoo la hame kuu jawoolu le la, mennu be kana kaŋ wo neeneerilaalu la sila filiriŋo ma saayiŋ.

Yuuda 1:16

Ñiŋ moolu mu ŋunuŋunulaalu le ti, mennu ka tu doolu tuumi la. Ì ka ì fansuŋ niidiyaa kuwolu le nooma. Ì buka i dahaa kibiroo la ì faŋolu la kuwo to, aduŋ niŋ ì ye moo doolu jayi, ì ka a ke ì faŋolu la nafaa le kamma.

Lankenemoo 13:5

Daa diita wo daafeŋ saŋarariŋo la le ka kibiri kumoolu niŋ tooñeeri kumoolu fo, aduŋ kantiiyaa diita a la le fo kari taŋ naani niŋ fula.

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.