Jabuuroolu 113:3 - Mandinka Bible

³ Ka bo tilibo, ka taa tilijii, Yaawe too ñanta le ka jayi.

Jabuuroolu 113:3 Mawu Ofanana

Jabuuroolu 18:3

Ŋa Yaawe daani, meŋ jarita ka jayi, aduŋ n tankata n jawoolu ma.

Jabuuroolu 48:10

Kooni Alla, i too bota duniyaa daŋolu to ñaameŋ, jayiroo be i ye wo le ñaama. I ka tiliŋo doroŋ ne taamandi i bulubaa buloo la.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Jabuuroolu 72:11

Mansoolu bee si ñoyi a koto, aduŋ duniyaa bankoolu bee si dookuwo ke a ye.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Yesaya 24:16

Ǹ ka suukuwolu moyi le, ka bo duniyaa daŋolu to, ka Tilindiŋ Baa la kallankeeyaa* horoma. Bari n ko, “N tiñaata le, n tiñaata le! Kooroo boyita n kaŋ! Jamfaalaa ka jamfaa le ke, Jamfaalaa ka jamfaa doroŋ ne ke.”

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Yesaya 59:19

Wo to tilijiilankoolu be sila la Yaawe la le, tilibolankoolu te haañi la a la sembe waroo la, kaatu a be naa la le ko waame baa, Yaawe la niijii kaŋo ka meŋ bayindi.

Habakuki 2:14

Duniyaa bee si faa londoo la, Yaawe la semboo niŋ a la waroo kuwo to, ko baa ka tara faariŋ jiyo la ñaameŋ.”

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”