Jabuuroolu 109:2 - Mandinka Bible

² Kaatu moo kuruŋolu le ye ì daalu tiliŋ n na, aniŋ faniyaa folaalu, ka faniyaa kumoolu fo m ma.

Jabuuroolu 109:2 Mawu Ofanana

1 Musa 40:15

Ì ye nte muta naŋ Hiburunkoolu* la bankoo le kaŋ, aduŋ jaŋ fanaa, m maŋ kuu ke, ì be n soroŋ na meŋ na bunjawoo kono.”

2 Samuweli 17:1

Ahitofeli ko Abusalomu ye ko, “M batu, ŋa kee wuli taŋ niŋ fula tomboŋ bii suutoo, ka taa Dawuda boyinkaŋ.

Jabuuroolu 140:3

Ì neŋolu be le ko saa saŋarariŋo, ì la kumoolu be ko biidaa kunoo. S

Jabuuroolu 31:13

Ŋa a moyi le moo jamaa ka meŋ dumbu ko, maasiiboo le be karoo bee la. Ì ka jamfaa le siti n kamma, ì be feeroo taamandi kaŋ ne, ka n niyo taa.

Jabuuroolu 31:18

Faniyaa folaalu daa siti, mennu ka kuma jawu baalu fo moo tilindiŋolu ma, aniŋ faŋ waroo niŋ jutunnayaa.

Jabuuroolu 52:4

Ite neeneerilaa, i ye kumoolu le kanu mennu ka tiñaaroo ke.

Kuma Kotoomaalu 12:19

Daa meŋ ka tooñaa kumoo fo, ka siimaayaa le, bari faniyaa folaa siyo buka jamfa.

Kuma Kotoomaalu 15:28

Moo tilindiŋo ka miirali ke a jaabiriñaa la le, bari moo kuruŋo daakumoo ka ke kuma jawuyaariŋo doroŋ ne ti.

Kuma Kotoomaalu 6:17

ka i faŋ wara, ka faniyaa fo, aniŋ ka moolu faa kensenke,

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Kiilaalu 6:13

Bituŋ ì ye seedenduroolu naati, mennu ko, “Ñiŋ kewo ka tu tooñeeri kumoolu le fo la Alla Batudulaa niŋ Musa la Luwaa* ma.