Jabuuroolu 109:10 - Mandinka Bible

¹⁰ Allamaa a diŋolu ye yaayi ka sadaa daani. Allamaa ì ye ì bayi ka bo ì la suu tumbundiŋolu to.

Jabuuroolu 109:10 Mawu Ofanana

2 Samuweli 3:29

Allamaa kooroo boyi la Yowabu niŋ a la dimbaayaa bee kaŋ. Aduŋ fanaa ì la jamaani-wo-jamaani, kewo ye tara jee, meŋ ye maadiŋ jawoo soto, balafata kuuraŋ jawoo, kewo ye tara jee, meŋ ye musu dookuwo dammaa noo, waraŋ ì ye a faa keloo kono, waraŋ a kana domori siiriŋ soto, a be meŋ domo la.”

2 Mansoolu 5:27

Saayiŋ Naamani la balajawu kuuraŋo be i muta la le, aniŋ i koomoo fo janniŋ fawu.” Kabiriŋ Kehasi taata ka bo Elisa fee doroŋ, balajawu kuuraŋo ñiŋ ye a muta. A baloo koyita fer.

Yuuba 27:14

A diŋolu si siyaa ñaa-wo-ñaa, ì bee be faa la kele wuloo le kono, aduŋ a koomoo nene te bo la konkoo kono muk.

Yuuba 5:4

Ì diŋolu niŋ tankoo jamfata ñoo la. Ì ye ì kiitindi tilimbaliyaa kono, moo maŋ soto, meŋ si ì kiisa a kono.

Jabuuroolu 37:25

Kabiriŋ m be dindiŋ, fo saayiŋ n keebaayaata, n nene maŋ a je Maariyo ye a koo dii moo tilindiŋo la, waraŋ ka a diŋolu je domori daanoo la.

Jabuuroolu 59:15

Ì ka yaayi le ko niŋ wuloolu be domori ñiniŋo la, aduŋ ì ka hawu-hawu niŋ ì konoo maŋ faa.

Yesaya 16:2

Ko niŋ kunundiŋolu be patapata la mennu wafatita ñaŋo kono, Mowabi musoolu be wo le ñaama, Arinoni Boloŋo teyidulaa to.