Jabuuroolu 103:5 - Mandinka Bible

⁵ A ka n wasandi beteyaa doroŋ ne la, ka n na fondinkeeyaa kutayandi, komeŋ niŋ duwaforoo ye i wooci.

Jabuuroolu 103:5 Mawu Ofanana

Yuuba 33:25

Bituŋ a baloo si seyi a ñaama ko dindiŋ mereŋo, a baloo si ke ko a la fondinkeeyaa waatoo la.

Jabuuroolu 104:28

I ka a dii ì la le, ì ye a taa ka a domo. I ka i buloo tiliŋ ì la le, ì ye wasa.

Jabuuroolu 107:9

A ye moolu wasa le mennu mindoota, aduŋ a ye domori kendoo dii moolu la le mennu konkota.

Jabuuroolu 23:5

I ye domori buuñaariŋo le parendi n ye, n jawoolu ñaatiliŋo la. I ye tulu seeralaa maa n kuŋo la. I ye n na mindaŋo fandi fo a ka boŋ.

Jabuuroolu 63:5

N niyo si daañini kendoo ke, aduŋ m be suukuu diimaalu laa la le ka i jayi.

Jabuuroolu 65:4

Seewoo be moo le ye i ye meŋ tomboŋ ka a katandi i la, ka sabati i la luwo to. I Batudulaa Buŋo* kuu kendoolu be ǹ wasa la le, meŋ mu i la buŋ senuŋo neemoo ti.

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Hoseya 2:15

Wo koolaa, m be a la wayini yiri kankaŋolu murundi la a ma le, ŋa Akori Wulumbaŋo ke jikoo bundaa ti. Jee to, a be soŋ na m ma le, ko a la fondinkeeyaa waatoo la, ko waatoo meŋ, a bota naŋ Misira.”

2 Korintinkoolu 4:16

Wo kamma la, m̀ buka jikilateyi. M̀ balajaatoolu be baŋ kaŋ ñaa-wo ñaa, bari ǹ konoto daañaa ka tu kutayaa la le luŋ-wo-luŋ.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Yosuwa 14:11

Bari hani bii, m be bambandiŋ ne ko n nuntomaa, kabiriŋ Musa be n kii la. N semboo be nuŋ ñaameŋ, a be wo le ñaama hani saayiŋ, ka keloo ke aniŋ kuu koteŋolu.