Jabuuroolu 102:1 - Mandinka Bible

¹ Hee Yaawe, n na duwaa moyi, i ye i lamoyi n na kumboo la.

Jabuuroolu 102:1 Mawu Ofanana

2 Taarika 30:27

Bituŋ piriisoolu niŋ Lewi lasiloo moolu wulita ka neemoo duwaa moolu ye. Alla ye ì la duwaa moyi le, meŋ futata a taradulaa senuŋo to, Arijana.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 143:4

A ye a tinna le n jikilateyita, n keñaa bee le bota n kono.

Jabuuroolu 143:7

Hee Yaawe, n jaabi katabake, n jikilateyita le. Kana i ñaa faa m ma, niŋ wo nte n si taa laakira.

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Jabuuroolu 18:6

N na niikuyaa kaŋ, ŋa Yaawe kumandi, ŋa n na Alla kumandi ka m maakoyi. Ka bo naŋ a batudulaa to, a ye n kaŋo moyi, a tuloo ye n kumboo kaŋo moyi le.

Jabuuroolu 39:12

“Hee Yaawe, n na duwaa moyi, i ye i lamoyi n na kumboo la, kana i ñaa kaasi n na ñaajii boŋo la, kaatu nte be i ye baluwo to le ko tumarankewo, m mu luntaŋ tambilaa le ti ko m mumuñolu.

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 5:2

N kumboo kaŋo moyi maakoyiri ñiniŋo la, n na Mansoo aniŋ n na Alla. Hee Yaawe, n ka ite le daani,

Jabuuroolu 61:2

N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

Jabuuroolu 62:8

Moolu, ali dankeneyaa Alla la waati-wo-waati. Ali ali kono kuwo bee fo a ye, kaatu ate le mu ǹ tuukuraŋo ti. S

Jabuuroolu 77:3

Niŋ ŋa m miira Alla la, n ka kumboo le, niŋ ŋa n hakiloo duŋ, n ka jikilateyi le. S

2 Musa 2:23

Waati jaŋ koolaa, Misira mansa faata. Banisirayilankoolu woosiita ì la joŋyaa la, aduŋ ì kumboota. Ì ye maakoyiroo daani ì la joŋyaa kuwo kamma la Alla bulu.

Niikuyaa Suukuwolu 3:44

Ŋà a je le i dibita m̀ ma karoo bee la ko tawaloo, fo ǹ na duwaa te futa noo la i ma.

Niikuyaa Suukuwolu 3:8

Cari-cari, ñaajiyo ka boŋ n ye le ka maakoyiroo kumboo, bari a ka balaŋ n na duwaa muta la le.

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

Kiitindirilaalu 10:16

Bituŋ ì ye wo jalaŋolu bee landi kara la, ì ye ì ñaa tiliŋ Yaawe batoo la. A balafaata Banisirayilankoolu ye, ì la bataa kaŋ.

1 Samuweli 9:16

“Saama ñiŋ ñoŋ waatoo m be kewo doo le kii la i ye naŋ, meŋ bota Benjamini bankoo kaŋ. Tuloo boŋ a kuŋo to, i ye a ke n na moolu Banisirayilankoolu la ñaatonkoo ti. A be n na moolu bondi la Filisitinkoolu bulu le. Ŋa ì la kuwo je le, kaatu ì la kumboo futata m ma le.”