Jabuuroolu 101:5 - Mandinka Bible

⁵ Moo meŋ ka a ñoŋ moo too kullootoo tiñaa, m be wo kasaara la le. N niŋ kufannaa niŋ faŋ waralaa te sii noo la.

Jabuuroolu 101:5 Mawu Ofanana

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Jabuuroolu 15:3

A buka moo tiñaa a neŋo la, aduŋ a buka kuu jawu ke a teeri la, waraŋ ka jutunnayaa kuma fo a siiñoo ma.

Jabuuroolu 18:27

I ka fammajiilaalu tankandi le, bari i ñaa ka tara faŋ sikandilaalu kaŋ ne, ka ì jindi.

Jabuuroolu 50:20

Ali ka tara kumoolu fo la ali fansuŋ moolu ma le, ka ali faŋolu baadiŋolu koomakuma.

2 Musa 20:16

Ali kana faniyaa laa moo-wo-moo kaŋ.

2 Musa 23:1

Yaawe* ko: Ali kana kumoo janjandi, meŋ maŋ ke tooñaa ti. Ali kana faniyaa fo, ka moo seedeyaa, meŋ maŋ tara sila kaŋ.

Kuma Kotoomaalu 10:18

Moo meŋ lafita ka a la konnanteeyaa maabo, a ka faniyaa le fo, aduŋ meŋ ka koomakumaroo ke, wo mu toolewo le ti.

Kuma Kotoomaalu 20:19

Koomakumarilaa ka jikoo bo moo koto le, wo to i niŋ diyaamulaa baa kana kuu kafu.

Kuma Kotoomaalu 21:4

Faŋ wara mooyaa aniŋ sisi wulindoo mu moo jawoolu le taa ti, ka ke ì ye junuboo ti.

Kuma Kotoomaalu 25:23

Ko foñoo ka samaajiyo naati ñaameŋ samaa kono, koomakumaroo ka kamfaa wulindi wo le ñaama.

Kuma Kotoomaalu 30:13

Doolu be jee, mennu ka ì faŋo wara, aniŋ mennu ka jutu moolu la.

Yesaya 2:11

Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Esekiyeli 22:9

Moolu le be sabatiriŋ i kono, mennu ka kaŋo laa doolu la fo luwaa si wolu muta noo ka ì faa, doolu ka sadaalu* domo, ì ye mennu bo jalaŋolu ye, konkoolu santo, doolu ka cakayaa ke.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

3 Musa 19:16

Ali kana tara ñoo koomakumoo la taariŋ. Ali kana seedenduriyaa ke ali siiñoo kamma, kuwo to meŋ si ke a la saayaa ti. Nte le mu Yaawe ti.

Luka 18:14

Ŋa a fo ali ye, ñiŋ duwaañoo le tilindiŋo taata a la suwo kono, diina wo Farisewo ti. Kaatu moo-wo-moo meŋ ye a faŋ sikandi, a be jindi la le. Aduŋ moo-wo-moo meŋ ye a fammajii, a be sikandi la le.”

1 Korintinkoolu 5:11

Ŋa a safee ali ye le ko, ali niŋ moo-wo-moo kana kafuñooyaa soto, meŋ ka a faŋ kumandi ali baadiŋo* la, bari a mu laañooyaa tulunnaa le ti, moo hadumeriŋo, jalambatulaa, nendirilaa, dolominnaa, waraŋ ñapinkannaa. Ali niŋ wo moo siifaa kana hani ali buloo bula booli kiliŋ ka domoroo ke.

1 Timoti 3:11

Wo ñaa kiliŋo la, niŋ musoolu le mu, ì ñanta jari la buuñaa la le, ì maŋ ñaŋ na ke la kajafirilaalu ti, ì ñanta soobeeyaa la le, ì ye foroyaa feŋolu bee to.

Titus 2:3

Wo ñaa kiliŋo la, musu keebaalu yaamari ka daajika betoo soto ko Alla ñaasilannaalu. Ì maŋ ñaŋ na ke la kajafirilaalu ti, waraŋ ka ke doloo la joŋolu ti, bari ì ñanta ke la kuu betoo le karandirilaa ti.

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.