Jabuuroolu 100:3 - Mandinka Bible

³ Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

Jabuuroolu 100:3 Mawu Ofanana

2 Mansoolu 19:19

Wo to saayiŋ Yaawe, ǹ na Alla, ǹ tankandi mansa ñiŋ bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

1 Taarika 16:14

Ate Yaawe le mu ǹ na Alla ti, a la kiitiiteyoo le ka taama duniyaa bee kono.

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

Jabuuroolu 119:73

Ite le mu n Daamansoo ti, ite le ye muluŋo ke n na. Fahaamuroo dii n na fo n si i la luwaalu karaŋ noo.

Jabuuroolu 12:4

mennu ka a fo ko, “Ǹ neŋolu le be a tinna la ŋà kututeyi. Ǹ daalu be m̀ bulu le, jumaa le si ntolu mara noo?”

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 46:10

“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

Jabuuroolu 78:52

Wo koolaa a naata a la moolu saajiimaalu tambindi, a ye ì kenkeŋ keñewuloo kono la.

Jabuuroolu 79:13

Wo le to ntolu, i la saajii koorewo, ǹ si i tentu fo abadaa. Ǹ si tu i jayi la ka taa fo jamaani naalaalu la.

Jabuuroolu 95:3

Kaatu Yaawe warata le, aduŋ ate le mu Mansa baa ti, meŋ warata alloolu bee ti.

2 Musa 6:7

M be ali ke la m fansuŋ moolu le ti, aduŋ nte le be ke la ali la Alla ti. Ali be a loŋ na le ko, nte le mu Yaawe ali la Alla ti, niŋ ŋa ali bondi joŋyaa kono Misira.

Kawandilaa 12:1

I hakiloo si bula i Daamansoo la, i la fondinkeeyaa tiloolu la, janniŋ i la bataa tiloolu ka naa, aniŋ saŋolu mennu ka i waliŋ naŋ, i be a fo la mennu la ko, “M maŋ niiseewoo soto ì kono.”

Yesaya 63:11

Bituŋ a la moolu hakiloo bulata folooto kuwolu la, Musa niŋ a la moolu la waatoo. Ì ko, “Yaawe lee, ate meŋ ye ì teyindi baa la, ì niŋ ì la ñaatonkoolu? Meŋ ye Noora Kuliŋo jindi ì kaŋ, a lee?”

Yesaya 63:19

M̀ mulunta le ko, i nene maŋ moolu mennu mara, aniŋ ì buka moolu mennu kumandi i too la.

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Esekiyeli 34:11

Maarii Yaawe ye ñiŋ ne fo ko: “A fele, nte faŋo le be n na saajiyolu ñini la, ŋa ì topatoo.

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Efesusinkoolu 2:10

Ntolu mu Alla la dookuwo le ti, a ye mennu daa ka bo niŋ Kiristu Yeesu la, ka baara betoolu ke, a ye mennu parendi nuŋ, fo ǹ si taama ì la.

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

5 Musa 32:6

Alitolu toolee hakilintaŋolu, fo ali ñanta Yaawe joo la teŋ ne baŋ? Fo ate le maŋ ke ali faamaa ti, ali Daamansoo? Fo ate le maŋ ali daa ka ali ke banku baa ti?

5 Musa 4:35

Yaawe ye ñinnu bee ke le ka ali kalamutandi ko, ate le mu Alla ti, Alla koteŋ te keriŋ.

5 Musa 4:39

Wo to ka bo bii la, ali si ñiŋ kalamuta, ali kana ñina ko, Alla koteŋ te keriŋ saŋo niŋ bankoo teema Yaawe koolaa.

5 Musa 7:9

Wo to ali si ñiŋ loŋ ko, Yaawe ali la Alla dammaa le mu Alla ti, meŋ foroyaata, aduŋ a ka kambeŋo muta, a niŋ moolu ye meŋ siti. Ate le ka kanu bambaloo yitandi jamaani wuliwuloo moolu la mennu ye a kanu, aduŋ ì ka a la yaamaroolu muta.

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

1 Pita 4:19

Wo to, moolu mennu ka toora Alla la lafoo kaŋ, ì si tu baara betoo kaŋ, ì ye ì niyolu karafa ì Daamansoo la, meŋ foroyaata.

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.