Jabuuroolu 10:9 - Mandinka Bible

⁹ A jatamaa le ka tara bitiriŋ a la maabodulaa, a ka tara bitiriŋ ne ka boyi moo bataariŋolu kaŋ. A ka ì muta a la jaloolu le la, a ye ì kuruntu ka ì samba.

Jabuuroolu 10:9 Mawu Ofanana

Yuuba 38:40

niŋ ì be laariŋ koloolu kono, waraŋ ì be baturoo la ñunkoo kono?

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 140:5

Faŋ waralaalu ye kutindiŋolu le laa n kamma, ì ye jaloolu laa n kamma, ì ye wereŋolu laa sila jenjeŋo la. S

Jabuuroolu 17:12

Ì jatamaalu le be hameriŋ ka m faraŋ-faraŋ, ì be bitiriŋ ne komeŋ jatoo, ka ñapi n kaŋ.

Jabuuroolu 35:10

N suufoolu faŋo si a fo ko, “Hee Yaawe, jumaa le ka munta ko ite? Ite le ka sembentaŋo tanka sembemaa ma, ka fentaŋolu niŋ moo koririŋolu bondi moolu bulu mennu ka ì mantoora.”

Jabuuroolu 37:14

Moo jawoolu ka ì la hawusaroolu* buusi le, ì ye ì la kalabeñoolu saba, ka paree fuwaaroolu faa la, aniŋ moo bataariŋolu, aniŋ ka moolu kanateyi, mennu ka taama tiliŋo la.

Jabuuroolu 59:3

A juubee, ì be bitiriŋ n kamma le, ka m faa. Moo saŋaroolu le ye feeroo siti n kamma. Bari Yaawe*, a maŋ ke ko m boyita le waraŋ ŋa junuboo le ke.

Kuma Kotoomaalu 14:31

Moo meŋ ka fuwaaroolu mantoora, a ka ì Daamansoo le sooki, bari moo meŋ ye balafaa soto ì ye, wo ka Alla le buuñaa.

Kuma Kotoomaalu 22:16

Moo-wo-moo ka fuwaaroo mantoora, ka a la naafuloo buyindi, aniŋ meŋ ka soorifeŋo dii fankamaalu la, bee be labaŋ na fuwaareyaa le la.

Kuma Kotoomaalu 28:15

Ko jatoo meŋ be bumbuŋ kaŋ, waraŋ daafeŋ saŋarariŋo*, meŋ pareeta boyinkandiroo la, mu moo jawoo le ti, meŋ ka sembentaŋolu mara.

Yesaya 3:15

Ali ye muŋ kuu le ke teŋ, ka n na moolu mantoora aniŋ ka fuwaaroolu halaki?” Yaawe Alihawaa Maariyo le ye a fo.

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.

Yeremiya 5:26

“Kuruŋolu sotota n na moolu kono le, ì ka biti le ko kunu mutalaa, ka jaloo laa ka moolu muta.

Niikuyaa Suukuwolu 3:10

Daafeŋ saŋarariŋo*, a bitita n ye wo le ti, ko niŋ jatoo bitita, waraŋ soloo.

Amosi 3:4

Fo jatoo ka bumbuŋ wuloo kono le baŋ, niŋ a maŋ subu je? Fo jatandiŋo ka tara kuma la a la koloo kono le baŋ, niŋ a maŋ feŋ muta?

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Habakuki 1:15

Babiloninkoolu ye moolu wafu naŋ, ko niŋ ñewo be dooliŋo daa. Ì ye moolu saba naŋ ko jaloo ka ñewolu kafu ñoo ma ñaameŋ, ì niŋ seewoo niŋ kontaanoo.

Habakuki 3:14

Ite le ye a kuŋo soo a faŋo la kalabeñoo la, biriŋ a la kelediŋolu naata ǹ kaŋ niŋ semboo la, ka ǹ caarindi. Ì niŋ seewoo baa, ì pareeriŋo ka moo bataariŋolu kasaara, mennu be maaboriŋ.

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Yohana 10:12

Dookuulaa, ì ye meŋ luwaasi, wo maŋ ke kantarilaa ti, aduŋ saajiyolu maŋ ke a taa ti. Niŋ a ye suluwo je naa kaŋ, a ka saajiyolu bula le, a ye bori. Bituŋ suluwo si ñapi ì kaŋ, a ye ì janjandi.

Kiilaalu 23:21

Bari kana soŋ ì la kumoo la, kaatu kewolu mennu siyaata kee taŋ naani ti, wolu le ye deleŋo laa a ye siloo kaŋ. Ì kalita le ko, ì te domoroo niŋ miŋo ke la, fo niŋ ì ye Pawulu faa foloo. Ì pareeta le saayiŋ, ì ka i la soŋo le batu.”