Jabuuroolu 10:1 - Mandinka Bible

¹ Hee Yaawe*, muŋ ne ye a tinna i jamfata ntolu la? Muŋ ne ye a tinna i maabota m̀ ma, waatoo meŋ m̀ be mantooroo kono?

Jabuuroolu 10:1 Mawu Ofanana

Yuuba 13:24

Muŋ ne ye a tinna i ye i ñaa kaasi n na, i ye m muta ko i jawoo?

Yuuba 23:9

Niŋ a be dookuwo la maraa kara maafaŋo la, m buka a je, niŋ a sawunta bulubaa kara maafaŋo fanaa la, m buka hani a kuntutoo faŋo le je.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Jabuuroolu 22:1

N na Alla, n na Alla, muŋ ne ye a tinna i ye nte bula? Muŋ ne ye a tinna i maŋ m maakoyi? M be ŋuntaŋ kaŋ ne, muŋ ne ye a tinna i jamfata n na?

Jabuuroolu 27:9

Kana i ñaa kaasi n na. Kana kamfaa, i ye nte i la dookuulaa bayi. Ite le mu m maakoyilaa ti. Hee Alla, n tankandilaa, kana m bula, aduŋ i kana i koo dii n na.

Jabuuroolu 30:7

Yaawe, ka bo niŋ i la konotodiyaa la, i ye n londi le m bambanta, komeŋ konkoo. Bari biriŋ i ye i ñaa kaasi n na, n jikilateyita le.

Jabuuroolu 44:24

Muŋ ne ye a tinna i ye i faŋ maabo m̀ ma? Muŋ ne ye a tinna i ñinata ǹ na bataa niŋ mantooroo la?

Jabuuroolu 44:25

M̀ be kiripariŋ buutoo kono le, aduŋ ǹ te m̀ faŋ wulindi noo la.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 88:14

Hee Yaawe, muŋ ne ye a tinna i ye m bula? Muŋ ne ye a tinna i ye i ñaa kaasi n na?

Yeremiya 14:8

Ite le mu Banisirayila jikoo ti, ite le mu a Kiisandirilaa ti mantoora waatoo kono. Muŋ ne ye a tinna i keta m̀ fee komeŋ tumarankewo, ñiŋ bankoo kaŋ, komeŋ luntaŋo meŋ jiyaata ka suutoo doroŋ laa?

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”