Hoseya 9:6 - Mandinka Bible

⁶ Hani niŋ ali kanata kasaaroo ma, Misira si ali kumbeŋ ñoo kaŋ, ali ye baadee Memfisi saatewo to. Ñaamoo le be ali la kodiforoo kunuŋ na, ŋaniŋolu ye ali la tiriliisoolu* taa.

Hoseya 9:6 Mawu Ofanana

2 Mansoolu 13:7

Feŋ maŋ tu Yehohasi la kelediŋolu to niŋ a maŋ ke suuborindilaa kee taŋ luulu ti, keleraŋ sareeti* taŋ, aniŋ sinna kelediŋ wuli taŋ. Aramu mansa le ye wo too bee kasaara, aduŋ a ye ì toñonka le komeŋ bankumunkoo.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Kuma Kotoomaalu 24:31

a juubee, a bee be faariŋ ŋaniŋ suŋo le la, coŋo be faariŋ a bankoo kaŋ, aduŋ a biriki sansaŋo boyita.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 19:13

Sowani maralilaalu keta toolewolu le ti, Memfisinkoolu la ñaatonkoolu ye ì faŋ neenee, siyolu la maralilaalu ye Misira filindi le.

Yesaya 27:12

Wo luŋo la, ka bo naŋ Yufurati Boloŋo to fo Misira Wulumbaŋo to, Yaawe be a la moolu kiliŋ-kiliŋ bondi la ñoo to le, ko moo meŋ ka siimaŋo toñonka, ka a bo a kaloo bala.

Yesaya 32:13

Ŋaniŋ sutoolu le be faliŋ kaŋ n na moolu la bankoo kaŋ. Ali woosii moolu la kuwo la, mennu be kontaaniriŋ nuŋ saatee seewooriŋo kono.

Yesaya 34:13

Ŋaniŋolu le be faliŋ na a mansa buŋolu kaŋ, ñaamoolu ye tara falindiŋ tatoolu kaŋ. A be ke la kunkuwuloolu sabatidulaa le ti, a ye ke kiikiyaŋolu la dinkiraa ti.

Yesaya 5:6

M be a ke la doodulaa nafantaŋo le ti, n te a yiribuloolu kuntu la n te a juwo koto bindee la. Ŋaniŋolu si faliŋ jee! M be saŋo yaamari la le, a kana samaa jindi jee.

Yesaya 7:23

“Niŋ wo waatoo siita, wayini* yiri kankaŋ ñiimaalu mennu, meŋ-wo-meŋ ka wayini yiri wuli kiliŋ soto nuŋ, aduŋ a meŋ-wo-meŋ jarita kodiforo kuntu wuli kiliŋ na, a bee be ke la ŋaniŋ sutoo le ti.

Yeremiya 2:16

Misirankoolu, mennu bota Memfisi, aniŋ Tapanesi saatewolu to, wolu ye ite Banisirayila kunkoloo teyi le.

Yeremiya 42:22

Wo to saayiŋ, ali si ñiŋ loŋ a ye koyi ali ma ko, ali be faa la niŋ hawusaroo le la, konkoo, aniŋ alibalaa kuuraŋo wo dulaa to, ali be lafiriŋ ka taa sabati daameŋ.”

Yeremiya 44:1

Yaawe* la kumoo naata nte Yeremiya kaŋ Yahuuda moolu bee la kuwo to mennu tarata siiriŋ Misira bankoo kaŋ. Ì tarata Mikidoli le, Tapanesi, aniŋ Memfisi saatewolu to, ka taa Patirosi tundoo kaŋ.

Yeremiya 44:12

Yahuuda moo toomaalu mennu tuta jee, aduŋ ì be pareeriŋ ñiŋ na ka tu siiriŋ Misira bankoo kaŋ, m be a je la le ko ì bee ye kasaara. Ì bee kewu, biriŋ moondiŋ fo moo baa, ì be faa la Misira bankoo kaŋ ne, ka bo niŋ hawusaroo* la, waraŋ konkoo. Ì be ke la moolu ye danka moolu le ti, ì ye ke ì ye kijabo kuwo ti, ka ke jutunna moo ti, aniŋ jelefeŋo.

Yeremiya 44:13

M be moolu ñinnu jarabi la le mennu be siiriŋ Misira, ko ŋa Yerusalaamu jarabi ñaameŋ, ka bo niŋ hawusaroo la, konkoo aniŋ alibalaa kuuraŋo.

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Yeremiya 46:19

Ali ali la fudoolu parendi ka taa mutoo kono, alitolu Misirankoolu, kaatu Memfisi be kenseŋyandi la le, a ye tumbuŋ, moo te tara la siiriŋ jee.

Esekiyeli 30:13

Maarii Yaawe ye ñiŋ ne fo ko: “M be ì la jalaŋolu kasaara la le, aduŋ m be daŋ ke la ì la baturoolu la le ì ka mennu ke Memfisi saatewo to. Mansariŋ nene te soto la Misira bankoo kaŋ kotenke. Wo kamma la, m be silaŋo le duŋ na Misirankoolu bee la.

Esekiyeli 30:16

M be dimbaa duŋ na Misira bankoo la le, Pelusiyumu saatewo ye tara dimiŋ baa kono. Tebesi saatewo be boyi la le. Memfisi saatewo be tara la dewuŋo niŋ kijafaroo le kono.

Hoseya 10:8

Beti-Aweni la jalaŋ batudulaa tintiŋolu* be kasaara la le, Banisirayila ka junuboo ke daameŋ. Ñaamoo niŋ ŋaniŋo si faliŋ ì la sadaabodulaalu kaŋ. Bituŋ ì si a fo konko baalu ye ko, “Ali m̀ muuri!” Ì ye a fo konkoriŋolu ye, “Ali boyi ǹ kaŋ!”

Hoseya 11:11

Ì kijafaratoo si naa ko kunoolu, ka bo naŋ Misira, ko puraalu, ka bo Asiriya. M be ì murundi la ì yaalu to le.” Yaawe le ye a fo.

Hoseya 2:6

Wo le ye a tinna m be a la siloo suki la ŋaniŋo la, ŋa ate faŋo tata sansaŋo la, a kana sila soto.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:3

Efurayimu* moolu te tu la Yaawe* la bankoo kaŋ, ali be muru la Misira le. Asiriya bankoo kaŋ, ali be feŋolu domo la le, mennu konta.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Sefaniya 1:11

Ali kumboo alitolu mennu be Saatewo Duumoo to, kaatu ali la safaarilaalu bee le be faa la, kodiforo peesalaalu bee ye kasaara.

1 Samuweli 13:6

Kabiriŋ Banisirayilankoolu ye a je ko, ì be bataa le kono, kaatu Filisitinkoolu ye ì dewundi baake le, ì ye i maabo berehuwolu kono, dinkoolu kono, bere konkoo kono, ŋaniŋolu teema, aniŋ koloŋolu kono.