Hoseya 9:15 - Mandinka Bible

¹⁵ Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Hoseya 9:15 Mawu Ofanana

Jabuuroolu 78:60

A ye a koo dii a la Batudulaa la le meŋ be Silo saatewo to, a tarata moolu fee tiriliisoo meŋ kono.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Yeremiya 11:15

A ko: “Ñiŋ moolu mennu mu n na kanu moolu ti, ì maŋ kaŋ soto kotenke ka tara m Batudulaa Buŋo* kono, kaatu ì ye kuu kuruŋ jamaa le ke. Fo ì ye a miira ka laahidi n ye, aniŋ ì la beeyaŋ sadaalu* suboo, wolu le be ì la kasaaroo baayi la? Niŋ ì ye ì la kuu kuruŋolu ke fokabaŋ, ì ka naa seewoo.

Yeremiya 12:8

M faŋo la tomboŋ moolu keta n ye le komeŋ jatoo sutoo kono, ì ye ì kaŋo bula ka bumbuŋ n kaŋ. Wo kamma la ŋa ì koŋ ne.

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 3:8

A ye a je le ŋa Banisirayila bula, ka a kaŋo dii a la ko bulamusoo. Hani wo, musu kaatibaloo meŋ mu Yahuuda ti, maŋ sila, a fanaa taata a ye cakayaa maañaa ke.

Yeremiya 5:5

Wo to m be taa ñaatonkoolu le yaa, ŋa diyaamu ì ye, bayiri itolu le ye Yaawe la siloo loŋ, tiliŋo, ì la Alla ye meŋ kaniŋ.” Bari ì bee le kafuriŋo ye a la yookoo* kati ka balaŋ a ma, ì ye i kuntu a la pat.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 23:18

Kabiriŋ a tententa a la cakayaa la, a ka a la cakayaa ke kenebaa le to aniŋ ka ŋaañaa a la. Wo to le m pasita a la kuwo la, ŋa n koo dii a la, ko ŋa n koo dii a kotoomaa la ñaameŋ.

Hoseya 1:6

Komeri ye konoo taa kotenke, a ye dimmusoo wuluu. Bituŋ Yaawe ko Hoseya ye ko, “A toolaa Lo-Ruhama la, kaatu n te balafaa soto la Banisirayila ye kotenke, waraŋ ka yamfa ì ye.

Hoseya 1:9

Bituŋ Yaawe ko a ye ko, “A toolaa Lo-Ammi la, kaatu ali maŋ ke n na moolu ti, aduŋ nte maŋ ke ali la Alla ti.”

Hoseya 12:11

Kileyadinkoolu ka jalaŋolu le batu, moo nafantaŋolu le mu ì ti. Kilikalinkoolu ka ninsituuraalu bo sadaa ti. Ì la sadaabodulaalu* si ke ko bere tuŋolu balaŋ kuŋolu to.”

Hoseya 12:2

Yaawe* be kiitiyo laa la Yahuuda kaŋ ne. A be Yaakuba koomalankoolu fanaa jarabi la ì taaraŋ siloo la le, a ye ì joo ì kebaaroolu la.

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Hoseya 4:9

Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 9:17

N na Alla be i bo la ì to le, kaatu ì maŋ soŋ a ma. Ì be ke la yaayilaalu le ti bankoolu kaŋ taariŋ.

Hoseya 9:3

Efurayimu* moolu te tu la Yaawe* la bankoo kaŋ, ali be muru la Misira le. Asiriya bankoo kaŋ, ali be feŋolu domo la le, mennu konta.

3 Musa 26:30

M be ali la batudulaa tintiŋolu* buruka la le, ŋa ali la cuuraayi siisindidulaalu teyi, ka ì boyindi. M be ali furewolu jurumi la ñoo kaŋ ne, ali la jalaŋ kenseŋolu kaŋ, mennu maŋ nii soto, aduŋ m be ñewuŋ na ali la le.

Amosi 4:4

“Alitolu Banisirayilankoolu, niŋ ali lafita, ali naa Beteli batudulaa to ka junube kuwo ke. Ali ye taa Kilikali batudulaa, ka ali la junube kuukewo lafaa. Ali ye ali la beeyaŋ sadaalu* bo soomandaa-wo-soomandaa, aniŋ jakoo tili saba-wo-tili saba.

Amosi 5:27

niŋ ŋa ali bayi ka tara mutoo kono, ali be taa la fo ka tambi Damasiku la.” Yaawe le ye a fo, meŋ too mu Alla, Alihawaa Maariyo ti.

Amosi 5:5

Ali kana ali jikoo loo Beteli batudulaa kaŋ, aduŋ ali kana duŋ Kilikali, waraŋ ka tambi ka taa Beeriseba. Kaatu Kilikali moolu be tara la mutoo le kono, aduŋ Beteli te naa ke la feŋ ti kotenke.”

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

Kiilaalu 4:27

“Tooñaa, ñiŋ kumoo timmata jaŋ ne. Herodi niŋ Pontiyus Payileti, Alla lombaloolu niŋ Banisirayilankoolu, ì benta ñiŋ saatewo le kono ka balaŋ i la dookuulaa senuŋo Yeesu ma, i ye meŋ toloo.

Kiilaalu 5:21

Kabiriŋ ì ye ñiŋ moyi, ì dunta Alla Batudulaa kono soomandaa la, ì ye karandiroo ke jee. Bituŋ piriisi kuntii baa naata, aniŋ mennu be a fee. Ì ye kansulumoolu niŋ Yahuudoolu la alifaalu bee kumandi ñoo kaŋ, ì ye Alla Batudulaa kantalaalu kii bunjawoo to ka kiilaalu naati ì ye.

Yosuwa 10:43

Bituŋ Yosuwa niŋ Banisirayilankoolu bee naata muru ì la daakaa to Kilikali.

1 Samuweli 7:16

Saŋ-wo-saŋ a ka taa muruŋ-muruŋo la Beteli, Kilikali aniŋ Misipa, aduŋ a ka kiitiyo kuntu Banisirayilankoolu ye ñiŋ dulaalu to le.