Hoseya 9:12 - Mandinka Bible

¹² Hani niŋ a ye a tara ì ye diŋolu soto, fo ì menta, n si ì bee taa ì koto fo ì ye baŋ kewu. Kooroo si boyi ì kaŋ, niŋ ŋa ì bula.

Hoseya 9:12 Mawu Ofanana

2 Mansoolu 17:18

Wo ye a tinna Yaawe kamfaata baake Banisirayilankoolu kamma, bituŋ a ye ì bondi a ñaatiliŋo la. Yahuuda lasiloo doroŋ ne tuta jee.

2 Mansoolu 17:23

fo labaŋo la Yaawe ye ì bayi ka bo a ñaatiliŋo la, ko a ye ì dandalaa ñaameŋ ko a be wo le ke la, ka bo niŋ a la dookuulaalu la, annabiyomoolu. Bituŋ Banisirayilankoolu naata taa mutoo kono Asiriya bankoo kaŋ, ì tarata daameŋ ka naa bula bii la.

Yuuba 27:14

A diŋolu si siyaa ñaa-wo-ñaa, ì bee be faa la kele wuloo le kono, aduŋ a koomoo nene te bo la konkoo kono muk.

Yeremiya 15:7

Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Yeremiya 6:8

Muna Yerusalaamu, dandalaaroo muta, niŋ wo nte, m be n koo dii la i la le, ŋa i la bankoo kenseŋyandi, moo te tara la siiriŋ jee.”

Niikuyaa Suukuwolu 2:20

Tiñaaroo keta! Yaawe, a juubee baŋ! I nene ye ñiŋ laa jumaa le kaŋ? Muna fo musoolu ñanta ì diŋolu domo la le baŋ, ì faŋolu ye diŋolu mennu bambaane? Muna fo ì ñanta piriisoolu faa la le baŋ, aniŋ annabiyomoolu, Maariyo la Batudulaa Senuŋo kono?

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 9:13

N nene ka Efurayimu je le nuŋ ko tamaree suŋ mereŋo, meŋ be tuturiŋ banku kendoo to. Bari saayiŋ, a si a diŋolu kenkeŋ, a jawoolu ye ì faa.”

Hoseya 9:16

Efurayimu be le ko fiifeŋo, meŋ kuuranta. A suloolu jaata le, a te diŋ soto la. Hani niŋ a ye a tara faŋ, a ye diŋolu soto, n si a kanudiŋolu faa.”

Malaki 2:12

Allamaa Yaawe la jaraboo tara la moo-wo-moo kaŋ, meŋ ye ñiŋ kuu siifaa ke, hani niŋ a ye sadaa le samba naŋ Yaawe Alihawaa Maariyo ye. Allamaa Yaawe ye a maarii la dimbaayaa bee kasaara Banisirayila jamaa kono.

4 Musa 14:34

Ali be tara la ali la junube kuwo bataa le kono fo sanji taŋ naani. Ali ye tili taŋ naanoo meŋ ke bankoo kulloo kisikisoo la, a tili kiliŋ-wo-kiliŋ be ke la sanji kiliŋ ne ti. N na tarabaliyaa ali fee, ali be a dimiŋo loŋ na ñiŋ siloo le la.’

4 Musa 26:65

Kaatu Yaawe ye a fo wo Banisirayilankoolu ye le, ì be faa la keñewuloo le kono, aduŋ hani kiliŋ maŋ tu ì kono fo Kalebu, Yefunne dinkewo, aniŋ Yosuwa, Nuni dinkewo.

5 Musa 28:18

Dankoo si tara ali diŋolu ye, ali la fiifeŋolu, ali la ninsoolu, ali la saajiyolu aniŋ ali la baalu, ì te yiriwaa la.

5 Musa 28:32

Ali dinkewolu niŋ ali dimmusoolu si duŋ joŋyaa kono banku doo kaŋ ali faŋo ñaa koto. Ì la kuwo si kali ali meeyaa, bari ali te sembe soto la jee.

5 Musa 31:17

Wo luŋo la, m be kamfaajawu la ì kamma le. M be n koo dii la ì la le, ŋa maabo ì ma, ì ye kasaara. Toora kuu jamaa si laa ì kaŋ, aniŋ kuu jawu jamaa. Wo luŋo le mu ì be a fo la ko, ‘Ñiŋ kuu jawoolu bee laata ǹ kaŋ, kaatu ǹ na Alla maŋ tara m̀ fee.’

5 Musa 32:25

Hawusaroo* si faaroo ke mbeedoolu kaŋ, kijafaroo ye tara suwolu kono, dimmusuriŋolu niŋ dinkeeriŋolu, suusuudiŋolu niŋ keebaa tii koyoolu, ì bee le be faa la.

Kiitindirilaalu 4:16

Bari Baraki bulata ñiŋ sareetoolu niŋ kelediŋ kafoo nooma le fo Haroseti-Hakoyimu. Sisera la kelediŋ kafoo bee le faata niŋ hawusaroo* la, hani moo kiliŋ ne maŋ kana.

1 Samuweli 16:14

Yaawe la Nooroo bota Sawulu bala, bituŋ Yaawe ye noora jawoo meŋ kii, jiita a kaŋ, wo ye a toorandi.