Hoseya 9:11 - Mandinka Bible

¹¹ Efurayimu la horomoo si tii ko kunoo, a musoolu te harijee la, konomaayaa te jee, sako ì si wuluu.

Hoseya 9:11 Mawu Ofanana

1 Musa 41:52

A ye a dinkee fulanjaŋo toolaa Efurayimu la, a ko, “Alla ye n jiidindi m bataa bankoo le kaŋ.”

1 Musa 49:22

Yusufa, ite ka muluŋ ne ko yiri dinnaa, yiri dinnaa meŋ be woyoo daala. A buloolu be sele kaŋ sansaŋ baloo la.

2 Samuweli 6:23

Aduŋ Mikali Sawulu dimmusoo maŋ naa diŋ soto fo a faata.

Yuuba 18:5

Tooñaa-tooñaa, moo kuruŋolu la maloo dubenta le, aduŋ ì la dimbaa te mala la.

Jabuuroolu 58:8

Allamaa ì ye ke ko musaaliŋo ka yeluŋ namoo ti ñaameŋ, ì ye ke ko bonodiŋo meŋ ñaa nene buka tiloo je.

Kawandilaa 6:3

Moo si diŋ keme soto noo, a ye siimaayaa. Bari a siyo si jamfa ñaa-wo-ñaa, niŋ a maŋ niiseewoo soto a la sotofeŋolu to, waraŋ a faata, a maŋ baadee, nte ko deenaani siibaloo le ye fisa a ti.

Yesaya 17:3

Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 4:7

Ali ka siyaa ñaameŋ, ali ka junuboo ke wo le ñaama, ali ka ali la horomoo faliŋ maloo le la.

Hoseya 5:9

Yankankatoo luŋo la, Efurayimu be ke la tumbuŋo le ti. Banisirayila lasiloolu, ŋa meŋ bankee ali la kuwo to, wo be ke la le.

Hoseya 9:14

Hee Yaawe, i la moolu joo ì kebaaroo la. I be muŋ ne dii la ì la? Ì konoo kali bo, ì sunjoolu ye jaa.

Amosi 1:13

Yaawe ye ñiŋ ne fo ko, “Ammoninkoolu ye landatambi junube kuwolu le ke. Ì ye keloo le ke, ì ye musu konomaalu konoolu fara Kileyadi tundoo kaŋ, danko doroŋ ka ì la bankoo lafaa. Wo kamma la n te ì jaraboo baayi la muk.

Luka 23:29

Kaatu luŋolu be naa la le, ì be a fo la ko, ‘Barakoo be musu jiidibaloolu fee! Barakoo be musoolu ye, mennu nene maŋ wuluu, sako ka suusundiroo ke!’

5 Musa 28:18

Dankoo si tara ali diŋolu ye, ali la fiifeŋolu, ali la ninsoolu, ali la saajiyolu aniŋ ali la baalu, ì te yiriwaa la.

5 Musa 28:57

A si a keemaa niŋ a diŋ toomaalu bali, kaatu a be ñiŋ deenaanoo niŋ a naañoo domo la kulloo le kono, kaatu domotaa koteŋ maŋ tu a bulu ñiŋ sukoo niŋ niitooroo kono, ali jawoolu be meŋ laa la ali kaŋ ali la saatewolu to.

5 Musa 33:17

A diŋ foloo be kallankeeyaariŋ, a semboo be ko ninsituuraa semboo, Efurayimu* niŋ Manase koomalankoolu, ì wuliwuloolu be bankoolu ñori la niŋ ñiŋ semboo le la fo duniyaa dandulaa to.”