Hoseya 8:8 - Mandinka Bible

⁸ Banisirayila teyita le fokabaŋ, saayiŋ a be banku koteŋolu teema ko feŋ nafantaŋo.

Hoseya 8:8 Mawu Ofanana

2 Mansoolu 18:11

Asiriya mansa ye Banisirayilankoolu muta le, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

Yesaya 30:14

A be teyiŋ-teyiŋ na le ko daandiŋo, a bee ye nunku lep, ali te teyindaŋ kiliŋ soto la, ka dimbaa bii a la ka bo sinkiroo to, waraŋ ka jiyo bii a la ka bo jiibindaa kono.”

Yeremiya 22:28

Moolu si a fo ko, “Fo Yehoyahini le keta jutunna moo ti teŋ, ko fenkeŋ teleŋo, ko daandiŋ teyiriŋo, moo buka feŋ meŋ hati? Muŋ ne ye a tinna ì ye a niŋ a diŋolu wafati, ka taa ì fayi banku kaŋ, ì maŋ daameŋ to loŋ?”

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Yeremiya 48:38

Mowabi buŋ santo teruriŋolu* bee kaŋ, aniŋ saatee bantabaalu to, feŋ te jee, niŋ a maŋ ke kumboo ti. Kaatu ŋa Mowabi teyi le, ko daandiŋ teyiriŋo, moo buka meŋ hati.” Yaawe le ye a fo.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 51:34

Moolu ko: “Babiloni mansakewo Nebukanesa ye i baluu ǹ na le, a ye ǹ saji, a ye ǹ kenseŋo londi ko jiibindaa. A ye ǹ kunuŋ ne ko saa baa, a ye a konoo fandi ǹ yuwo la, a ye ǹ senanku ko miraŋo.

Niikuyaa Suukuwolu 2:16

“Ŋà a kasaara le!” I jawoolu ka wo le fo. Ì bee ka ì daa loo i kaŋ. Ì ka i ciipu, ka ì ñiŋolu jaa i kaŋ, ka wuuri i ma ko, “Allaŋ, ǹ ka ñiŋ luŋo le batu nuŋ! A futata le, ŋà a je!”

Niikuyaa Suukuwolu 2:2

Balafaabaliyaa niŋ kasaaroo, Maariyo ye wo le laa Yaakuba siidulaalu bee kaŋ. A ye Dimmusuriŋ* Yahuuda boyinkaŋ, a ye a saatee tatariŋolu bee le teyi, a la kamfaa baa kaŋ. A ye a la mansayaa boyindi duuma, aniŋ a maralilaalu, ì niŋ maloo tuta.

Niikuyaa Suukuwolu 2:5

Ee, ayiwaalii nte! Maariyo keta le ko jawoo, a ye Banisirayila kunuŋ. A ye a maralilaalu la buŋolu kasaara, a ye a tatoolu tumbuŋ. Saŋakumboo niŋ woosiyo, a ye wo le juruma Yahuuda moolu ye.

Niikuyaa Suukuwolu 4:2

Siyoni* diŋ kende-kendoolu, ì niŋ saniforoo le be temberiŋ, ì ye wolu le muta potoo daandiŋo ti teŋ, boodaalaa buloo ka meŋ daa!

Niikuyaa Suukuwolu 5:2

Ǹ na keetaabankoo dunta luntaŋolu le bulu, ǹ na suwolu, bantala moolu bulu.

Esekiyeli 36:3

Wo kamma la, kiilaariyaa kumoo fo Banisirayila konkoolu ye, nte Yaawe Alla ye ñiŋ ne fo ko: Ali jawoolu le ye ali kenseŋyandi, aniŋ ì ye ali dete karoo bee la, fo ali naata ke wo bantala banku* toomaalu taa ti. Wo kamma la, ali naata ke wo moolu ye teelindirilaŋo niŋ koomakumarilaŋo ti.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Roomankoolu 9:22

Wo ñaa kiliŋo la, Alla ye kaŋo soto moolu kaŋ ne. A lafita a la kamfaa yitandi la fo a la semboo si loŋ, bari wo ñaa-wo-ñaa, a naata muña niŋ muña baa la wo moolu ye, mennu ye a kamfandi. Wolu mu keraŋolu le ti a la kamfaa ye, mennu ñanta kasaara la.

5 Musa 28:25

Yaawe be a ke la le ali jawoolu ye ali noo. Ali be naa la ì kaŋ sila kiliŋ ne la, bari ali boritoo be janjaŋ na le. Ali la kuwo si ke duniyaa mansamarali bankoolu bee ye masilaŋo ti.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.