Hoseya 8:5 - Mandinka Bible

⁵ Alitolu Samariya saatee moolu, ali ali koo dii ali la ninsiriŋ jalaŋo la. N na kamfaa dimbaamaa le ka mala ali kamma. Janniŋ waati jumaa le ali be tara la seneyaabaliyaa daa to?

Hoseya 8:5 Mawu Ofanana

2 Taarika 13:8

“Fo saayiŋ, ali lafita balaŋ na n na mansayaa ma le, Yaawe ye meŋ dii Dawuda koomalankoolu la, ali niŋ kelediŋ kafu baa niŋ sani ninsiriŋolu ka naa, Yerobowamu ye mennu dadaa ka ì ke ali ye alloolu ti.

Jabuuroolu 19:13

N tanka tawunteeyaa junube kewo ma. Kana m bula ŋa tara wolu la maroo to. Wo le to n te sootaari soto la, aduŋ n si seneyaa junube kuu jawoolu to.

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Yesaya 45:20

Yaawe ko: “Alitolu keleborilaalu, mennu bota banku doolu to, ali beŋ dulaa kiliŋ ali ye kata naŋ. Mennu ka yiri kuntoolu muta ì la jalaŋolu ti, ì niŋ ì ka tu taa la taariŋ, wolu maŋ feŋ loŋ. Ì ka duwaa ñini batufeŋo le bulu, meŋ te tankandiri ke noo la.

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Yeremiya 48:13

Wo to le Mowabinkoolu la jalaŋo Kemosi be ke la ì ye malu kuwo ti, ko Banisirayila la Beteli jalambatoo keta ì ye ñaameŋ, ì jikita nuŋ meŋ na.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 10:8

Beti-Aweni la jalaŋ batudulaa tintiŋolu* be kasaara la le, Banisirayila ka junuboo ke daameŋ. Ñaamoo niŋ ŋaniŋo si faliŋ ì la sadaabodulaalu kaŋ. Bituŋ ì si a fo konko baalu ye ko, “Ali m̀ muuri!” Ì ye a fo konkoriŋolu ye, “Ali boyi ǹ kaŋ!”

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Hoseya 8:6

Ninsi jalaŋo ñiŋ bota Banisirayila le, moo buloo le ye a dadaa, a maŋ ke Alla ti. Samariya la ñiŋ ninsiriŋo be teyiŋ-teyiŋ na le, a ye janjaŋ.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Mika 1:7

A jalaŋ leseriŋolu bee be teyiŋ-teyiŋ na le, tumbuŋo doroŋ ne be tu la jee. Jalaŋ batudulaa naafuloo meŋ sotota cakayaa la, a bee be jani la dimbaa le la. Kaatu cakoolu la joo le mu, a be ke la cakoolu la joo ti banku koteŋ ne kaŋ.”

Kiilaalu 7:41

Wo to le ì ye ninsiriŋo dadaa. Ì ye sadaa bondi ñiŋ jalaŋo ye, aduŋ ì seewoota ñiŋ na, ì ye meŋ dadaa ì fansuŋ buloo la.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.