Hoseya 7:5 - Mandinka Bible

⁵ Ì la mansa la juurali luŋo la, wayinoo* ye maralilaalu siira. Mansa niŋ ñaawalilaalu keta kiliŋ ti.

Hoseya 7:5 Mawu Ofanana

1 Musa 40:20

Tili saba ñaato, wo luŋ keta Firawoona la wuluu luŋ juuroo le ti. A ye feetoo kumandi a la mansakundaa dookuulaalu bee ye. A ye a la mindaŋ sambalaa ñiŋ fintindi, aniŋ mbuuru janilaa kuntiyo ñiŋ, ka bo a la dookuulaalu kono.

1 Mansoolu 13:4

Kabiriŋ Mansa Yerobowamu ye a moyi, Alla la annabiyomoo ñiŋ sarita ñaameŋ ka sadaabodulaa jalayi meŋ be Beteli, a ye a buloo tiliŋ ka bo naŋ sadaabodulaa to, a ko, “Ali a muta!” Bari a ye a buloo meŋ tiliŋ kewo ñiŋ na wo jaata, fo a buka a ŋooji noo a faŋ kaŋ.

Jabuuroolu 1:1

Barakoo be moo le ye meŋ buka taama niŋ moo kuruŋolu la yaamaroo la, waraŋ ka bula junubelaalu la siloo nooma, waraŋ ka tara siiriŋ ñaawalilaalu kono.

Jabuuroolu 69:12

Ì ye n ke kacaaraŋo le ti saatewo dundaŋ daa* to, aduŋ dolominnaalu ka denkiloolu laa le ka n teeliŋ.

Kuma Kotoomaalu 13:20

Moo meŋ niŋ moo ñaamendiŋo ka taa, fanaa be ñaameŋo soto la le, bari toolewo taañooyaa mu bataa le ti.

Kuma Kotoomaalu 20:1

Doloo ka i bula ñaawalitoo kuu kewo le la, a ka moo dundi keloo le kono, a ye moo-wo-moo filindi, i maŋ ñaameŋ.

Yesaya 28:1

Kooroo be boyi la saatewo kaŋ ne, meŋ be looriŋ konkoo kaŋ, wulumbaŋ jambandiriŋo daala, Efurayimu siiratoolu la kibirilaŋo, doloo ye mennu futufaa. A la ŋaañaaraŋo be bo kaŋ ne ko firi nororiŋo.

Yesaya 28:14

Wo to saayiŋ, alitolu ñaawalilaalu, alitolu mennu marata ñiŋ Yerusalaamunkoolu ma, ali Yaawe la kumoo moyi.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Hoseya 7:3

Yaawe* ko: “Ì la kuu kuruŋ kewo, ì ka mansa kontaanindi wo le la, maralilaalu, ì la neeneeroo la.

Matiyu 14:6

Bari kabiriŋ Herodi be a wuluu luŋo juura kaŋ, Herodiyas dimmusoo ye i doŋ luntaŋolu ñaatiliŋo la, meŋ keta niidiyaa kuu baa ti Herodi ye.

Maaka 6:21

Bari Herodiyas naata siloo soto waatoo le la, biriŋ Herodi la wuluu luŋo juuraloo siita. Wo waatoo la, Herodi ye juurali baa parendi a la maralilaalu ye, aniŋ kelediŋ kuntiyolu, ì niŋ Kalilee bankoo ñaatonkoolu.

Efesusinkoolu 5:18

Aduŋ ali kana siira doloo la, meŋ ka fankeñaa lombaliyaa saabu ka kuu nooriŋolu ke, bari ali si faa niŋ Noora Kuliŋo la.